საზოგადოებრივი მაუწყებლის სამეურვეო საბჭოში ორ ვაკანტურ ადგილზე გამოცხადებული კონკურსი ჩაიშალა.
ამის თაობაზე პარლამენტის ბიურომ საკონკურსო კომისიის თავმჯდომარის დავით მაღლაფერიძის ინფორმაცია, საკონკურსო კომისიის სხდომის ოქმთან ერთად, ცნობად მიიღო.
“სამწუხაროდ, ვაკანსიებზე საკმარისი რაოდენობის განცხადებები არ შევიდა და კონკურსი ჩაიშალა. მას ხელახლა გამოვაცხადებთ“, - განაცხადა პარლამენტის თავმჯდომარემ შალვა პაპუაშვილმა პარლამენტის ბიუროს სხდომაზე.
პარლამენტის რეგლამენტის გათვალისწინებით, საკონკურსო კომისიამ ასარჩევზე სულ ცოტა სამჯერ მეტი კანდიდატურა უნდა წარადგინოს.