ჯაბა სამუშია მედიცინის ფაკულტეტის პირველკურსელებს შეხვდა

თბილისის სახელმწიფო უნივერსიტეტის რექტორი ჯაბა სამუშია მედიცინის ფაკულტეტის პირველსემესტრელ სტუდენტებს შეხვდა და უნივერსიტეტის სამედიცინო სკოლის ისტორიაზე, სასწავლო პროცესზე, სტუდენტურ სერვისებსა და შესაძლებლობებზე, ასევე დაგეგმილ ინფრასტრუქტურულ პროექტებზე ესაუბრა. ამის შესახებ ინფორმაციას თსუ ავრცელებს.

რექტორის განცხადებით, თბილისის სახელმწიფო უნივერსიტეტს საკუთარი საუნივერსიტეტო კლინიკა ექნება.

„საქართველოში პირველი სამედიცინო სკოლა თბილისის სახელმწიფო უნივერსიტეტში ჩამოყალიბდა. ჩვენ გვაქვს ძალიან დიდი ტრადიცია სამედიცინო მიმართულებით და იმისათვის, რომ ეს ტრადიცია გაგრძელდეს, კონკრეტული ნაბიჯები უნდა გადავდგათ. სამედიცინო ფაკულტეტის გუნდთან ერთად მივიღეთ გადაწყვეტილება, რომ საუნივერსიტეტო კლინიკა შევიძინოთ, რომელიც იქნება პრაქტიკის მთავარი ბაზა და რომელიც დაგეხმარებათ გამოიმუშაოთ ის მთავარი უნარები, რომელიც მთავარია მედიცინის ფაკულტეტის სტუდენტებისთვის”, - განაცხადა ჯაბა სამუშიამ.

სტუდენტებთან შეხვედრისას რექტორმა ყურადღება გაამახვილა უნივერსიტეტის მიზნებსა და ღირებულებებზე. ასევე, ისაუბრა საერთაშორისო გაცვლით პროგრამებზე, სტიპენდიებსა და სტუდენტურ პროექტებზე.

რექტორის თქმით, უახლოეს მომავალში დაიწყება მედიცინის ფაკულტეტის სასწავლო კორპუსების რეაბილიტაცია და სტუდენტური სივრცეების კეთილმოწყობა.

შეხვედრას თსუ-ს რექტორის მოადგილე ნინო ოკრიბელაშვილი, მედიცინის ფაკულტეტის დეკანი მაია ბიწკინაშვილი და ფაკულტეტის ადმინისტრაციის წარმომადგენლები ესწრებოდნენ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი