ანა ნაცვლიშვილი - სუს-ი ყოველ ორშაბათს ტელესერიალივით ახალ სერიას  გვთავაზობს რაღაც არარსებულ ფაქტებზე, ხოლო არსებულზე და მხილებულზე გასუსულია

სუს-ი ყოველ ორშაბათს ტელესერიალივით ახალ სერიას გვთავაზობს რაღაც არარსებულ ფაქტებზე, ხოლო არსებულზე და მხილებულზე გასუსულია, - ამის შესახებ „ლელოს“ ერთ-ერთმა ლიდერმა, დეპუტატმა ანა ნაცვლიშვილმა „პალიტრანიუსის“ გადაცემა „360 გრადუსში“ განაცხადა, რითაც სუს-ის მიერ დღეს გავრცელებულ ინფორმაციას გამოეხმაურა.

ანა ნაცვლიშვილის განცხადებით, ხელისუფლებას რუსეთის მიმართ უკიდურესად ლოიალური დამოკიდებულება აქვს, ხოლო სტრატეგიულ პარტნიორს „თითის ქნევით“ ელაპარაკება.

„თუ მოგისმენიათ ოდესმე, რომ საქართველომ განმარტებები მოითხოვა რუსეთისგან, რომელიც ოკუპანტი სახელმწიფოა საქართველოს კანონმდებლობით და სასტიკ ომს აწარმოებს უკრაინაში, რომელიც მთელმა მსოფლიომ აღიარა ტერორისტულ სახელმწიფოდ. რუსეთის მიმართ აქვთ უკიდურესად ლოიალური დამოკიდებულება. პუტინის ლაქიები არიან და აქეთ თითის ქნევით ელაპარაკებიან ამ ქვეყნის სტრატეგიულ პარტნიორს და მეგობარს, რომელსაც ამ ქვეყნისთვის სიკეთის მეტი არაფერი გაუკეთებია. კარგად მიმოიხედონ პოლიტიკოსებმა, სკამებზე რომ სხედან, მაგ სკამებიც დონორის ფულითაა ნაყიდი. რამე თუ მოძრაობს დღეს სახელმწიფო სტრუქტურებში, რამე განათლება და კომპეტენცია თუა საჯარო სექტორში დაგროვილი და რაიმე რეფორმა თუ ოდესმე გატარებულა ამ ქვეყანაში, ყველაფერში ჩვენი მეგობრების წვლილია, ყველა პროგრესის და რეფორმის იმპულსი დასავლეთიდან მოდიოდა და არა ამათგან.

ისინი დღეს არიან ზომბები, რომლებიც ასრულებენ კრემლის დავალებებს. მათი ფიქრი კრემლს არ სჭირდება, კრემლს სჭირდება მათი მორჩილება და ყველანაირ სისულელესა და მარაზმზე ხელისმომწერი პოლიტიკოსები. ეს არის „ქართული ოცნების“ ამოცანა, რომ კრემლის დაკვეთა შეასრულოს, ეს იქნება პრეზიდენტის იმპიჩმენტი თუ ფარცხალაძეზე სახელისუფლებო ინსტიტუტების გადაფარება. გასუსული სუს-ი გვყავს. სუს-ი, რომელიც ნაცვლად იმისა, რომ თავი მოება რაიმე განცხადებისა ან განმარტებისთვის ფარცხალაძის მხილების შემდეგ, აგრძელებს გასუსულ მდგომარეობაში ყოფნას და ყოველ ორშაბათს ტელესერიალივით ახალ სერიას გვთავაზობს რაღაც არაარსებულ ფაქტებზე, ხოლო არსებულზე და მხილებულზე გასუსულია. ეს ხდება იმიტომ, რომ სამწუხაროდ დღეს საქართველოს მართავს კრემლის ხელისუფლება“, - განაცხადა ანა ნაცვლიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024