საქართველომ ბოლონიის პროცესის ეროვნული კვალიფიკაციების ჩარჩოს თემატური სამუშაო ჯგუფის ღონისძიებებს უმასპინძლა

საქართველოს განათლებისა და მეცნიერების სამინისტროსა და განათლების ხარისხის განვითარების ეროვნული ცენტრის ორგანიზებითა და Erasmus+ პროგრამის ფინანსური მხარდაჭერით, ბოლონიის პროცესის ეროვნული კვალიფიკაციების თემატური ჯგუფის ( TPG A on QF) ღონისძიებებს უმასპინძლა.

განათლების ხარისხის განვითარების ეროვნული ცენტრის ცნობით, ღონისძიებაში მონაწილეობა მიიღეს საქართველოს განათლებისა და მეცნიერების სამინისტროსა და უმაღლესი განათლების სისტემის განვითარებაზე პასუხისმგებელმა სხვა სახელმწიფო უწყებების წარმომადგენლებმა, უმაღლესი განათლების ექსპერტებმა და ბოლონიის პროცესის მონაწილე 22 ქვეყნის წარმომადგენელმა.

„ორდღიან შეხვედრაზე მონაწილეებმა იმსჯელეს ბოლონიის პროცესის თვითსერტიფიცირების მექანიზმზე, რომლის პროცესის წარმატებით გავლით ქვეყანა ადასტურებს უმაღლესი განათლების სისტემის ევროპული უმაღლესი განათლების საერთო სივრცესთან თავსებადობას. ასევე, იმსჯელეს ჯგუფის მიერ ჩატარებულ სამუშაოსა და შემდგომ ნაბიჯებზე.

საქართველო, ავსტრიასთან და ლატვიასთან ერთად, ბოლონიის პროცესის ეროვნული კვალიფიკაციების ჩარჩოს თემატური სამუშაო ჯგუფს (TPG A on QF) 2021 წლიდან თავმჯდომარეობს .

ჯგუფის მიზანია უმაღლესი განათლების ევროპული სივრცის (EHEA) ძირითადი ვალდებულებებისა და რეკომენდაციების ეროვნულ დონეზე იმპლემენტაციის ხელშეწყობა, პოლიტიკის რეკომენდაციების შეთავაზება ბოლონიის პროცესის სამუშაო სტრუქტურებისთვის.

აღნიშნულ ჯგუფში საქართველოს განათლების ხარისხის განვითარების ეროვნული ცენტრი წარმოადგენს. ჯგუფის წევრია ბოლონიის პროცესის 28 წევრი ქვეყანა და ევროპული ინსტიტუტები: ევროკომისია, ევროპის საბჭო, ევროპის სტუდენტური გაერთიანება და ევროპის უმაღლეს საგანმანათლებლო დაწესებულებათა გაერთიანება“,- აღნიშნულია გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი