კოკა კაციტაძე ბელგიის პოლიციის გენერალურ ინსპექტორს გიერი გილისს შეხვდა

სპეციალური საგამოძიებო სამსახურის უფროსი კოკა კაციტაძე ბრიუსელში ოფიციალური ვიზიტის ფარგლებში, მოადგილეებთან გიორგი კვარაცხელიასთან და ნათია სონღულაშვილთან ერთად, ბელგიის პოლიციის გენერალურ ინსპექტორს გიერი გილისს შეხვდა.

სპეციალური საგამოძიებო სამსახურის ცნობით, ბელგიის ფედერალური და ადგილობრივი პოლიციის გენერალური ინსპექტორატი წარმოადგენს დამოუკიდებელ საზედამხედველო ორგანოს, რომელიც პოლიციის სამსახურების საქმიანობის შემოწმებას და პოლიციის გამართული ფუნქციონირებისთვის რეკომენდაციების გაცემას ისახავს მიზნად.

„ქართულ დელეგაციას, გენერალურმა ინსპექტორმა გიერი გილისსმა უმასპინძლა და შეხვედრის მონაწილეებს ინსპექციის სტრუქტურაზე, გამოწვევებზე, დემონსტრაციების მართვისას პოლიციის როლზე და მუშაობის სპეციფიკაზე ამომწურავი ინფორმაცია მიაწოდა. შეხვედრაზე ასევე, განხილული იყო პოლიციაში კორუფციის წინააღმდეგ ბრძოლისა და გამოძიებისას ევროპული სტანდარტების მიხედვით პერსონალური მონაცემების დაცვის საკითხები, ამ მიმართულებით არსებული გამოწვევები და მისი გადაჭრის გზები. სპეციალური საგამოძიებო სამსახურის უფროსმა კოკა კაციტაძემ ბელგიის პოლიციის გენერალურ ინსპექტორს მოწვევისთვის მადლობა გადაუხადა და სამომავლო თანამშრომლობისთვის მზადყოფნა გამოთქვა.

შეხვედრას, ევროპის საბჭოს საქართველოს ოფისის პროექტის უფროსი ოფიცერი ეთერ ყამარაული, სპეციალური საგამოძიებო სამსახურის დეპარტამენტის უფროსები, გენერალური ინსპექტორის მოადგილე იოჰან დე ვოლდერი და ანტიკორუფციული სააგენტოს ხელმძღვანელი ჰიუგ ტასიაუ ესწრებოდნენ. ბელგიაში, სპეციალური საგამოძიებო სამსახურის წარმომადგენელთა ოფიციალური ვიზიტი, ევროპის საბჭოს საქართველოს ოფისის პროექტის "ადამიანის უფლებების დაცვით საპოლიციო ზომების გატარება საქართველოში" მხარდაჭერით მიმდინარეობდა“,- აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024