ირაკლი ქადაგიშვილი - თვალნათლივ ვნახეთ, პროვოკაციული, რევოლუციური სცენარების მომზადებისთვის ახალგაზრდობას როგორ ამზადებენ - რაც ყველაზე სამწუხაროა, ამაში ამერიკელი ხალხის ფული იხარჯება

თვალნათლივ ვნახეთ, პროვოკაციული, რევოლუციური სცენარების მომზადებისთვის ახალგაზრდობას როგორ ამზადებენ - რაც ყველაზე სამწუხაროა, ამაში ამერიკელი ხალხის ფული იხარჯება. ეს ორმაგი სტანდარტი ერთხელ და სამუდამოდ უნდა დამთავრდეს, - ამის შესახებ საპარლამენტო უმრავლესობის წევრმა ირაკლი ქადაგიშვილმა პარლამენტის პლენარულ სხდომაზე განაცხადა.

მისივე თქმით, საქართველოში რევოლუციის არანაირი საფუძველი არ არსებობს.

„ევროკავშირს საქართველოსათვის კანდიდატის მინიჭება-არმინიჭების საკითხი დღის წესრიგში კვლავ უდგას. საბოლოოდ, მათი არჩევანიც ძალიან რთულია იქიდან გამომდინარე, რომ საქართველო ობიექტურად, აბსოლუტურად ყველა შეფასებით, მთელ რიგ საკითხებში გაცილებით წინაა, ვიდრე უკვე კანდიდატი ქვეყნები. ამიტომ, რთული იქნება, მათ შორის, 12 რეკომენდაციის შესრულების კუთხით, საქართველოს კანდიდატის სტატუსზე უარი ეთქვას. ამავდროულად, გეოპოლიტიკურადაც ძალიან რთულია, რომ ამ ვითარებაში მთლიანად სამხრეთ კავკასიაზე და საქართველოზე უარი განაცხადო. პარალელურად, ვხედავთ, რომ საქართველოს ამ პერსპექტივის მიმართ მიზანმიმართული დარტყმა მაინც მიმდინარეობს. ერთი ის არის, რომ [კანდიდატის სტატუსს] ხალხი იმსახურებს და ხელისუფლება არა. ეს სწორედ ის ნარატივია, რომელიც თითქოს ყველაზე მთავარ მოწოდებას, რასაც ჰქვია, რომ კონსოლიდაცია მოხდეს და პოლარიზაცია არ იყოს, სწორედ, აქეთკენ არის დარტყმა - ხალხი და ხელისუფლება გაიყოს და გაიხლიჩოს. ამავდროულად, იმის გამო, რომ ქვეყანა ვითარდება და ძალიან ბევრი წინსვლა აქვს, მათ შორის, ეკონომიკურ და სოციალურ საკითხებში, რომ ქვეყანაში სიტყვის თავისუფლებაა, დემოკრატიული ინსტიტუტები ფართოდ და ძლიერად არის წარმოდგენილი, რევოლუციური სცენარების განხორციელების არანაირი შესაძლებლობა არ არის. ერთადერთი, რაზეც აქცენტი კეთდება, პროვოკაციების მოწყობაა და სწორედ, ამ პროვოკაციების განეიტრალება იყო ის, რაც სახელმწიფო უსაფრთხოების სამსახურმა განაცხადა. ყველამ თვალნათლივ ვნახეთ, როგორ ამზადებენ პროვოკაციული, რევოლუციური სცენარების მომზადებისთვის ახალგაზრდობას. რაც ყველაზე სამწუხაროა, ამაში ამერიკელი ხალხის ფული იხარჯება. ეს ორმაგი სტანდარტი ერთხელ და სამუდამოდ უნდა დამთავრდეს. იმედი მაქვს, რომ ბოლო განცხადება, მათ შორის სახელმწიფო დეპარტამენტის, რომ საელჩოს განცხადება არ წაუკითხავს და ისინი საქართველოში მხოლოდ ჰუმანიტარული და დემოკრატიულო მიზნებისთვის მოქმედებენ, საბოლოოდ, ეს სტანდარტი გაიმარჯვებს და არა გლობალური ომის პარტიის სტანდარტები, რომელიც აი, ამ სწორ ადგილას, პროვოკაციებით, რევოლუციური სცენარების გათამაშებას ცდილობს. ვიმეორებ, საქართველოში რევოლუციის არანაირი საფუძველი არ არსებობს“,- განაცხადა ირაკლი ქადაგიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024