გიორგი ბოტკოველი უმრავლესობას - ამ ბოლო დროს ხშირად გაქვთ საკუთარი მმართველობის, რეალური სახის წარმოჩინების დღეები და დღევანდელი დღეც ერთ-ერთი შემადგენელი ნაწილია ამ ყველაფრის

ამ ბოლო დროს ხშირად გაქვთ ხოლმე საკუთარი მმართველობის, რეალური სახის წარმოჩინების დღეები და დღევანდელი დღეც ერთ-ერთი შემადგენელი ნაწილია ამ ყველაფრის - თუ გადართავთ რომელიმე არხზე, იქ დაინახავთ კობახიძის მტკიცებულებებს როგორ ეწინააღმდეგება სრულიად დამოუკიდებელი იქაური მოსამართლე მანანა კობახიძე, - ასე მიმართა „ნაციონალური მოძრაობის“ ერთ-ერთმა ლიდერმა გიორგი ბოტკოველმა პარლამენტის პლენარულ სხდომაზე მმართველ გუნდს.

მისი შეფასებით, ხელისუფლების მიერ ინიცირებული კანონები პირდაპირ ეწინააღმდეგება საქართველოს ევროპულ გზას.

„2 წელია უკვე პატიმრობაში ქვეყნის მესამე პრეზიდენტი, საყოველთაოდ აღიარებული პოლიტიკური პატიმარია და ამაზე გესაუბრებათ მაკრონი, ზელენსკი, ასეულობით ევროპარლამენტარი, მაგრამ თქვენი მიზანი არის ერთი - ის უნდა გყავდეთ რუსეთის დავალებით პატიმრობაში, რომ ჩვენმა ქვეყანამ არ მიიღოს კანდიდატის სტატუსი.

თქვენ არ გაინტერესებთ ხალხის პრობლემები და იშვიათად თუ დაგაინტერესებდათ ხოლმე და მაგალითად, გუშინდელი განცხადება პრემიერ-მინისტრის, ჯერ კიდევ ბუნდოვანია. მე მინდა მივმართო ჩემ კახელ კოლეგებს აქ რომ არიან, მათ შორის, თქვენც ბატონო თავმჯდომარე, თქვენი რაიონიც დაისეტყვა - ამ ადამიანებს კონკრეტული პასუხი გაეცით. ასეთი პრობლემების გადასაფარად მოქმედებთ თქვენ ისე, როგორც დღეს მასკარადია გამართული ბათუმში საკონსტიტუციო სასამართლოს შენობაში, რომელსაც კონსტიტუციური არაფერი აღარ დარჩა“, - განაცხადა ბოტკოველმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024