თამარ ჩუგოშვილი - პრეზიდენტი ამბობს: მე არ მელაპარაკება მთავრობა იმაზე, რას აკეთებს საგარეო მიმართულებით - პრეზიდენტს არ გააჩნია არანაირი პრაქტიკული მექანიზმი, რომ დაინახოს, რით შეიძლება დაეხმაროს ევროინტეგრაციის პროცესს

პრეზიდენტი ამბობს: მე არ მელაპარაკება მთავრობა იმაზე, რას აკეთებს საგარეო მიმართულებით - პრეზიდენტს არ გააჩნია არანაირი პრაქტიკული მექანიზმი, რომ დაინახოს, რით შეიძლება დაეხმაროს ამ ყველაფერს [ევროინტეგრაციის პროცესს],- ამის შესახებ საქართველოს საკონსტიტუციო სასამართლოში პრეზიდენტის წარმომადგენელმა თამარ ჩუგოშვილმა განაცხადა.

მისი თქმით, პრეზიდენტი თვლის, რომ როდესაც თავის ფუნქციებს ახორციელებს, სჭირდება ჰქონდეს მაქსიმალური კომუნიკაცია აღმასრულებელ და საკანონმდებლო ხელისუფლების წარმომადგენლებთან.

„პრეზიდენტი ამბობს, რომ ქვეყანაში არ არსებობს კოორდინაციის მექანიზმი: მე არ მელაპარაკება მთავრობა იმაზე, რას აკეთებს საგარეო მიმართულებით, არ მაქვს ურთიერთობა, რომ დავჯდე პარლამენტთან და მთავრობასთან ერთად. ქვეყნის უმაღლესი თანამდებობის პირს, სახელმწიფოს მეთაურს, რომელსაც საგარეო პოლიტიკის მიმართულებით მნიშვნელოვანი როლი აქვს, არ გააჩნია არანაირი პრაქტიკული მექანიზმი, სადაც შეძლებს, კოორდინირებულად დაინახოს, რას აკეთებს მთავრობა, პარლამენტი და რით შეიძლება დაეხმაროს ამ ყველაფერს. ქვეყანაში ამის მექანიზმი არ არსებობს. პრეზიდენტისთვის ეს მნიშვნელოვანია და ის თვლის, რომ როდესაც თავის ფუნქციებს ახორციელებს, სჭირდება, რომ ჰქონდეს მაქსიმალური კომუნიკაცია აღმასრულებელ და საკანონმდებლო ხელისუფლების წარმომადგენლებთან. სწორედ ამიტომ ჩამოყალიბდა პრაქტიკა, რომლის მიხედვითაც მიმართავდა ამ მუხლით [52-ე], რადგან, როდესაც ამ ტიპის ვიზიტებში მიდიოდა, მასთან ერთად მიდიოდნენ საკანონმდებლო და აღმასრულებელი ორგანოების წარმომადგენლები, ეს იყო მისი მხრიდან უწყებათაშორისი ჰარმონიული საქმიანობის საშუალება. შემდეგ კი, პარლამენტის წარმომადგენლები ამბობენ ხოლმე, რომ 31 მარტს პრეზიდენტის პარლამენტში გამოსვლის შემდეგ გაჟღერებული გზავნილების გამო პრეზიდენტისთვის მთავრობამ თანხმობის მიცემა შეწყვიტა - აღარ ვუშვებთ, რადგან ისეთი რაღაცები ითქვა, არ გვინდა ეს სადმე გაჟღერდესო“,- განაცხადა ჩუგოშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024