„საქსტატი“ - 2022 წელს, არაკომერციული ორგანიზაციების სექტორის ბრუნვის მოცულობამ დამხმარე კომერციული საქმიანობიდან 259.6 მლნ ლარი შეადგინა

დეკლარირებული მონაცემების მიხედვით, 2022 წელს, არაკომერციული ორგანიზაციების სექტორის ბრუნვის მოცულობამ დამხმარე კომერციული საქმიანობიდან 259.6 მლნ. ლარი შეადგინა, რაც გასული წლის შესაბამის მაჩვენებელზე 22.8 პროცენტით მეტია. ინფორმაციას სტატისტიკის ეროვნული სამსახური ავრცელებს.

მათივე ცნობით, ბრუნვის მოცულობაში ყველაზე დიდი წილი მოდის განათლების (36.7 პროცენტი), აგრეთვე, ხელოვნება, გართობა და დასვენების საქმიანობების (24.2 პროცენტი), ჯანდაცვა და სოციალური მომსახურების საქმიანობების (19.6 პროცენტი), სხვა სახის მომსახურების გაწევის (5.7 პროცენტი), ინფორმაცია და კომუნიკაციის (3.6 პროცენტი) და მშენებლობის (3.2 პროცენტი) დარგის ორგანიზაციებზე.

„2021 წელთან შედარებით ბრუნვის მოცულობა დაახლოებით, 18.1-ჯერ გაზრდილია სოფლის, სატყეო და თევზის მეურნეობა დარგში, საფინანსო და სადაზღვევო საქმიანობების დარგში (85.7 პროცენტით), ხელოვნება, გართობა და დასვენების საქმიანობების დარგში (78.8 პროცენტი), ტრანსპორტი და დასაწყობების დარგში (62.5 პროცენტი), მშენებლობის დარგში (60.0 პროცენტი), ჯანდაცვა და სოციალური მომსახურების საქმიანობების (31.7 პროცენტი), პროფესიული, სამეცნიერო და ტექნიკური საქმიანობების დარგში (16.2 პროცენტი), განთავსების საშუალებებით უზრუნველყოფის და საკვების მიწოდების საქმიანობების დარგში (8.9 პროცენტი), განათლების დარგში (1.8 პროცენტი) და ადმინისტრაციული და დამხმარე მომსახურების საქმიანობების დარგში (1.5 პროცენტი).

პროდუქციის (საქონლისა და მომსახურების) გამოშვების მოცულობამ არაკომერციული ორგანიზაციების სექტორში 2022 წელს 2 107.0 მლნ. ლარი შეადგინა (აღნიშნული მაჩვენებელი წინა წელთან შედარებით გაზრდილია 5.7 პროცენტით).

პროდუქციის გამოშვებაში ყველაზე დიდი წილით გამოირჩეოდა სხვა სახის მომსახურების (32.7 პროცენტი), ჯანდაცვა და სოციალური მომსახურების საქმიანობების (27.1 პროცენტი), განათლების (13.4 პროცენტი), ხელოვნება, გართობა და დასვენების (12.5 პროცენტი), და პროფესიული, სამეცნიერო და ტექნიკური საქმიანობების (4.3 პროცენტი) დარგის ორგანიზაციები.

არაკომერციულ ორგანიზაციებში დასაქმებულთა რაოდენობამ 2022 წელს 55.2 ათასი კაცი შეადგინა, საიდანაც 52.9 პროცენტი ქალია, ხოლო 47.1 პროცენტი კაცი. აღნიშნული მაჩვენებელი 2021 წელთან შედარებით უმნიშვნელოდაა გაზრდილი (1.1 პროცენტი):

დასაქმებულთა ყველაზე დიდი ნაწილი – 26.4 პროცენტი – განათლების დარგის ორგანიზაციებზე მოდის. 23.7 პროცენტი - ხელოვნება, გართობა და დასვენების დარგის

ორგანიზაციებზე, 14.5 პროცენტი - ჯანდაცვა და სოციალური მომსახურების საქმიანობების დარგის ორგანიზაციებზე, 13.1 პროცენტი - სხვა სახის მომსახურების დარგის ორგანიზაციებზე, 11.5 პროცენტი - წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობების დარგის ორგანიზაციებზე, 5.1 პროცენტი - პროფესიული, სამეცნიერო და ტექნიკური საქმიანობების დარგის ორგანიზაციებზე, ხოლო დანარჩენი 5.7 პროცენტი სხვა დარგებზე ნაწილდება.

დასაქმებულთაგან დაქირავებულია 54.1 ათასი (მათ შორის ქალია 53.0 პროცენტი). დაქირავებულთა რაოდენობა 2022 წელს, 2021 წელთან შედარებით უმნიშვნელოდაა გაზრდილი (0.9 პროცენტი).

ინფორმაციისთვის, არაკომერციული ორგანიზაციები საქონლისა და მომსახურების მწარმოებელ იურიდიულ პირებს ან სოციალურ ორგანიზაციებს წარმოადგენენ, რომლებიც არ არიან ორიენტირებულნი ინსტიტუციური ერთეულებიდან მოგების ან ფინანსური კეთილდღეობის მიღებაზე.

არაკომერციული ორგანიზაციების პროდუქციის ძირითადი ნაწილი რეალიზდება უფასოდ ან ეკონომიკურად უმნიშვნელო ფასებში. აღნიშნული არაკომერციული ორგანიზაციები იმყოფებიან თვითდაფინანსებაზე და სახსრებს ძირითადად იღებენ შემოწირულობებისა და საკუთარი წევრების შენატანების სახით. ისინი შემოსავლებს იღებენ აგრეთვე ორგანიზაციის კუთვნილი მატერიალური და ფინანსური აქტივებიდან. არაკომერციულ ორგანიზაციებს აქვთ დამხმარე კომერციული საქმიანობის უფლება“, - აღნიშნულია გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი