საქართველოს ტურისტულ პოტენციალს პარიზის გამოფენაზე IFTM Top Resa ეცნობიან

საქართველოს ტურიზმის ეროვნული ადმინისტრაცია საფრანგეთში, პარიზის ტურისტულ გამოფენაში IFTM Top Resa მონაწილეობს. მსოფლიოში ერთადერთ უდიდეს ტურისტულ გამოფენაზე ტურიზმის ეროვნულ ადმინისტრაციასთან ერთად აჭარის ტურიზმისა და კურორტების დეპარტამენტი, თბილისის მერია, იმერეთის დანიშნულების ადგილის მართვის ორგანიზაცია და ათამდე ტურისტული კომპანია ესწრება. ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათივე ინფორმაციით, გამოფენის ფარგლებში ტურიზმის ეროვნული ადმინისტრაციის ხელმძღვანელი მაია ომიაძე შეხვედრებს მართავს საფრანგეთის უმსხვილეს ტუროპერატორებთან ტურისტული ნაკადების გაზრდის მიზნით.

მაია ომიაძის განცხადებით, აღნიშნულ ღონისძიებაში ასზე მეტი ქვეყნიდან სამი ათასზე მეტი ტურისტული კომპანია და ორგანიზაცია მონაწილეობს.

„პარიზის ტურისტულ გამოფენაზე 3 დღის განმავლობაში, საქართველოს სტენდთან მოსულ სტუმრებს შეუძლიათ გაეცნონ საქართველოს ტურისტულ პოტენციალს, იხილონ პრეზენტაციები პროექტების შესახებ. აღსანიშნავია, რომ ასზე მეტი ქვეყნიდან 3 ათასზე მეტი ტურისტული კომპანია და ორგანიზაცია მონაწილეობს აღნიშნულ ღონისძიებაში“,- განაცხადა მაია ომიაძემ.

გავრცელებული ინფორმაციის თანახმად, IFTM Top Resa-ს ფარგლებში გამოფენის მონაწილეები საქართველოს სტენდთან ტურისტულ პროდუქტებს ეცნობიან. მიმდინარეობს საქმიანი შეხვედრები და პრეზენტაციები საქართველოს სამთო, საზღვაო, გამაჯანსაღებელი კურორტების, სათავგადასავლო, კულტურული, ღვინისა და კულინარიული ტურიზმის პოპულარიზაციის მიზნით.

„ძალიან დიდი მოლოდინები გვაქვს, როდესაც ასეთი ტიპის ღონისძიებები იმართება. ვფიქრობ პირდაპირი ავიარეისები უფრო მეტად სტიმულაციას მიცემს როგორც ბიზნეს მოგზაურებს, ასევე ტურისტებს“, -ამბობს IBIS Styles-ის გაყიდვებისა და მარკეტინგის დეპარტამენტის უფროსი მაკა ცხომელიძე.

ტურისტული კომპანია "პრომეთეა ვოიაჟერის" დამფუძნებელი შორენა ნინიაშვილის განცხადებით, ფრანგი მოგზაურების ინტერესი ყოველ წელს იზრდება და იმედოვნებს, რომ საქართველოს საფრანგეთიდან უფრო მეტი სტუმარი ეწვევა.

„ქართული ტურისტული სექტორისთვის ძალიან მნიშვნელოვანია IFTM Top Resa-ს გამოფენაში მონაწილეობა. ფრანგ მოგზაურებს დიდი ინტერესი აქვთ სათავგადასავლო და კულტურული ტურიზმის კუთხით. ჩვენი კომპანია მრავალი წელია ორიენტირებულია ფრანგ ტურისტებზე. ყოველ წელს იზრდება ინტერესი. ვფიქრობ მეტი ტურისტი ეწვევა საფრანგეთიდან საქართველოს“,-აცხადებს ტურისტული კომპანია "პრომეთეა ვოიაჟერის" დამფუძნებელი შორენა ნინიაშვილი.

„პარიზის ტურისტულ გამოფენაზე IFTM Top Resa 50 ათასამდე დამთვალიერებელი ჰყავს“, - აღნიშნულია გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი