საქართველოს ტექნიკური უნივერსიტეტი პირველკურსელებს შემოქმედებით და სპორტულ აქტივობებში ჩართვის საშუალებას აძლევს

საქართველოს ტექნიკური უნივერსიტეტში პირველკურსელებთან შეხვედრის და მათთვის უნივერსიტეტში მიმდინარე პროცესების გაცნობის ტრადიცია გრძელდება. ამის შესახებ ინფორმაციას სტუ ავრცელებს.

უნივერსიტეტის ცნობით, საზოგადოებასთან ურთიერთობის, კულტურისა და სპორტის დეპარტამენტის ხელმძღვანელი დავით ოქიტაშვილი სატრანსპორტო სისტემების და მექანიკის ინჟინერიისა და სამშენებლო ფაკულტეტის პირველკურსელებს შეხვდა.

პირველკურსელებთან შეხვედრას ესწრებოდნენ სტუ-ის სტუდენტური სერვისების განვითარების დეპარტამენტის და სტუდენტური თვითმართველობის წარმომადგენლები. ასევე ფაკულტეტების დეკანები, სტუდენტები და ადმინისტრაციის წარმომადგენლები.

დავით ოქიტაშვილი სტუდენტებს სტუ-ის მდიდარ კულტურულ და სპორტულ ტრადიციებზე ესაუბრა, ინფორმაცია მიაწოდა უნივერსიტეტში მოქმედ შემოქმედებით და სპორტულ კოლექტივებსა და გუნდებზე.

როგორც დავით ოქიტაშვილი აცხადებს, შეხვედრების მიზანი პირველკურსელებისათვის უნივერსიტეტში არსებულ შემოქმედებითი ჯგუფების და სპორტული გუნდების მიღწევების გაცნობაა.

„საქართველოს ტექნიკურ უნივერსიტეტში, ცალკეულ ფაკულტეტებზე პირველკურსელებთან შეხვედრებს რამდენიმე წლის წინ, რექტორის, აკადემიკოს დავით გურგენიძის მიერ ჩაეყარა საფუძველი. ეს არის ძალიან კარგი საშუალება გავიცნოთ თითოეული ახალგაზრდა მა მათ გავაცნოთ ის აქტივობები, რომელსაც უნივერსიტეტი სტუდენტებისთვის ახორციელებს. ამას გარდა, ვცდილობთ შემოქმედებით და სპორტულ ჯგუფებში ჩავრთოთ პირველკურსელები, მივაწოდოთ მათ არსებული გუნდების შესახებ ინფორმაცია, რათა მათ გაუადვილდეთ არჩევანის გაკეთება. დღეს ორი ფაკულტეტის სტუდენტებს შევხვდით. მინდა გითხრათ, რომ აღფრთოვანებული ვარ მათი მხრიდან წამოსული დადებითი ენერგიით. ეს არის ნიჭიერი თაობა, რომელიც მზადაა ჩაერთოს სპორტულ თუ შემოქმედებითი ჯგუფებში“, - განაცხადა დავით ოქიტაშვილმა.

უნივერსიტეტის ინფორმაციით, ყველა დაინტერესებულ სტუდენტს საშუალება აქვს ჩაერთოს საუნივერსიტეტო კულტურულ და სპორტულ აქტივობებში. შეხვედრები გრძელდება.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი