თამარ ჩუგოშვილი მერაბ ტურავას - არ გამეღიმოს ახლა? მთავრობის წარმომადგენლის ნაცვლად პასუხობენ პარლამენტის წევრები - კარნახობს ხან ერთი, ხან - მეორე, ეს იწვევს ღიმილს

ქალბატონო თამარ, ჩვენ თქვენს გამოსვლაზე არ გაგვიცინია, თქვენ ძალიან მხიარულად ხართ პროცესზე, - ამ სიტყვებით მიმართა საკონსტიტუციო სასამართლოს თავმჯდომარე, მერაბ ტურავამ საქართველოს პრეზიდენტის წარმომადგენელ თამარ ჩუგოშვილს პრეზიდენტის საიმპიჩმენტო წარდგინების განხილვისას მას შემდეგ, რაც ჩუგოშვილმა პროცესის მიმდინარეობისას გამოკვეთილ გარკვეულ გარემოებაზე საკუთარი პოზიცია ღიმილით გამოხატა.

როგორც ტურავამ აღნიშნა, მის ნათქვამზე ჩუგოშვილის მხრიდან ირონიას ჰქონდა ადგილი.

„ქალბატონი თამარის სიცილის და მხიარულების გარეშე ისევ დავუბრუნდეთ წარდგინების ავტორებს და მის გარშემო საკითხების განხილვას. ქალბატონო თამარ, ჩვენ თქვენს გამოსვლაზე არ გაგვიცინია, არ შეგვიფასებია არც ისე, არც ასე, მოგისმინეთ ყურადღებით, ისაუბრეთ კარგად, ცუდად, საშუალოდ - ეს უკვე ჩვენი შესაფასებელია და თქვენი მხრიდან ირონია ამ შემთხვევაში, იმ საკითხთან დაკავშირებით, რაც ვთქვი... მოდით, ნუ წავალთ შორს განსახილველი საკითხიდან“, - განაცხადა ტურავამ, რაზეც ჩუგოშვილმა განაცხადა, რომ მისი ღიმილი „ამას არ ეხებოდა“.

„არ ვიცი, თქვენ ძალიან მხიარულად იყავით პროცესზე. გავაგრძელოთ სხდომა, ნებისმიერს შეუძლია შეკითხვა დასვას, რომელიც აქვს, უბრალოდ გითხარით ის, რომ ჩვენი განხილვის საგანია ის სამი შემთხვევა, რომელზეც პარლამენტის 80 წევრი მოვიდა ჩვენთან - საფუძვლიანად, უსაფუძვლოდ, ამას ჩვენ შევაფასებთ და ისე მივიღებთ გადაწყვეტილებას“, - განაცხადა ტურავამ, რის შემდეგაც ჩუგოშვილმა მისი ღიმილის მიზეზი განმარტა.

„აი, არ გამეღიმოს ახლა, მთავრობის წარმომადგენლის ნაცვლად რომ პასუხობენ პარლამენტის წევრები? [მთავრობის საპარლამენტო მდივანს] შეჯამებაში და პასუხებში ეხმარებიან, ეს იწვევს ღიმილს. კარნახობს აგერ, ხან ერთი, ხან - მეორე“, - განაცხადა ჩუგოშვილმა, რასაც კვლავ ტურავამ უპასუხა.

„ქალბატონო თამარ, თქვენ მიმართ რამე აგრესიულად გამოხატული პოზიცია არ მქონია, უბრალოდ გამიკვირდა, რომ გაგეღიმათ. ამის უფლება თქვენ, რა თქმა უნდა, გაქვთ, ამაში ვერ შეგზღუდავთ, უბრალოდ უადგილოდ ჩავთვალე იმ დროს“, - განაცხადა ტურავამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი