მაკა ბოჭორიშვილი და ირაკლი ბერაია მადრიდში ესპანელ სენატორებს შეხვდნენ

მადრიდში სამუშაო ვიზიტის ფარგლებში, საქართველოს პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილი და თავდაცვის და უშიშროების კომიტეტის თავმჯდომარე ირაკლი ბერაია ესპანეთის სენატის წევრებს, სენატორ ანტონიო გუტიერეს ლიმონეს და სენატორ რაფაელ ლემუს რუბიალეს შეხვდნენ.

ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ინფორმაციით, შეხვედრისას, ესპანეთის ევროკავშირის საბჭოს თავმჯდომარეობის პრიორიტეტების პარალელურად, ყურადღება დაეთმო საქართველო-ევროკავშირის ურთიერთობებს, საქართველოს მიერ ევროკომისიის რეკომენდაციების შესრულების პროგრესს, გატარებულ რეფორმებს და ქვეყნის ევროკავშირში ინტეგრაციის პერსპექტივებს.

„ხაზი გაესვა ესპანეთის, როგორც ევროკავშირის თავმჯდომარე ქვეყნის მხარდაჭერას საქართველოს ევროკავშირში ინტეგრაციის პროცესში.

სენატორებმა საქართველოს ევროკავშირში ინტეგრაციის საკითხთან დაკავშირებით მხარდაჭერა დაადასტურეს.

მხარეებმა საქართველოსა და ესპანეთს შორის ორმხრივი ურთიერთობების დინამიკაზე და პარლამენტთაშორისი თანამშრომლობის გაღრმავებაზეც ისაუბრეს“, - აღნიშნულია ინფორმაციაში.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი