საკონსტიტუციო სასამართლოში ირაკლი კობახიძემ მაია კოპალეიშვილის პოზიციას „პოლიტიკური დემაგოგია“ უწოდა, რის გამოც პრეზიდენტის წარმომადგენელმა მას ემოციების მოთოკვისკენ მოუწოდა და მიმართა, რომ „ქარაგმებით საუბარს“ არ მოითმენს

ამდენი ხანია ამტკიცებთ, რომ სტატუსი და უფლებამოსილება არის ერთი და იგივე და რაზეა საუბარი? ეს ხომ სირცხვილია, სტუდენტები გისმენენ , - ამ სიტყვებით მიმართა „ქართული ოცნების“ თავმჯდომარე ირაკლი კობახიძემ საქართველოს პრეზიდენტის წარმომადგენელს, მაია კოპალეიშვილს საკონსტიტუციო სასამართლოს სხდომაზე, სადაც პრეზიდენტის იმპიჩმენტის წარდგინების განხილვა მიმდინარეობს.

ირაკლი კობახიძესა და მაია კოპალეიშვილს შორის კამათი კონსტიტუციის 49-ე და 52-ე მუხლებში პრეზიდენტის წარმომადგენლობით ფუნქციასთან დაკავშირებით ჩანაწერებს შორის განსხვავებაზე საუბრით დაიწყო.

ირაკლი კობახიძის თქმით, 49-ე მუხლი პრეზიდენტის სტატუს განსაზღვრავს, ხოლო 52-ე მუხლი კი უფლებამოსილებებს აზუსტებს. აღნიშნულ მუხლებს შორის განსხვავების დანახვა კი „პირველი კურსის ქეისია“.

მაია კოპალეიშვილმა ირაკლი კობახიძის რეპლიკას უპასუხა და აღნიშნა, რომ იგი აღნიშნულ „ქეისს" როგორც პირველი კურსელი ისე უყურებს.

მისივე თქმით, ირაკლი კობახიძეს სურს, რომ პრეზიდენტის ვიზიტები, რომელიც ევროინტეგრაციას უკავშირდება სასამართლომ კონსტიტუციის დარღვევად მიიჩნიოს.

„სტუდენტებზე გინდათ გააკეთოთ აქცენტი და რატომღაც იძახით, რომ პირველი კურსის ქეისიაო. პირველი კურსის ქეისია ზუსტად იმიტომ, რომ თქვენ, როგორც პირველი კურსელი ისე უყურებთ ამ საქმეს. ბატონო ირაკლი, ეს საკითხი სახელმწიფო ინტერესებს ეხება, ქვეყნის იმიჯს და პრეზიდენტის იმ ვიზიტებს ეხება, რომელიც ევროინტეგრაციას უკავშირდებოდა. თქვენ გინდათ, რომ პრეზიდენტის ის ვიზირები, რომელიც ევროინტეგრაციას უკავშირდება მიიჩნიოთ კონსტიტუციის დარღვევად“, - განაცხადა მაია კოპალეიშვილმა.

ირაკლი კობახიძემ მაია კოპალეიშვილის პოზიციას პოლიტიკური დემაგოგია უწოდა, რის გამოც მაია კოპალეიშვილმა ემოციების მოთოკვისკენ მოუწოდა.

„ემოციები დაამაგროს ბატონმა ირაკლიმ, როგორ იქცევა ახლა? ბატონმა ირაკლიმ იცის, რომ მე მაგის ქარაგმებით საუბარს არ მოვითმენ. სხვათა შორის თქვენ შეურაცხყოფას აყენებთ პირველკურსელებს. რა პირველი კურსელის ქეისი? მნიშვნელოვანი საქმეა ესა“, - განაცხადა მაია კოპალეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024