ირაკლი ბერაია - ვინაიდან ვაზიანში მდებარე სამხედრო ობიექტები, პოლიგონთან ერთად, საიდუმლო რეჟიმის ობიექტებს წარმოადგენს და ამ დეტალების განხილვა ღია რეჟიმში ვერ მოხდება, სხდომა თავიდანვე უნდა დავხუროთ

პარლამენტის თავდაცვისა და უშიშროების კომიტეტის სხდომა, სადაც ვაზიანის ყოფილი აეროდრომის ტერიტორიაზე ახალი სამოქალაქო აეროპორტის აშენების გეგმაზე სასაუბროდ თავდაცვის მინისტრი ჯუანშერ ბურჭულაძეცაა მიწვეული, კომიტეტის თავმჯდომარის, ირაკლი ბერაიას გადაწყვეტილებით, დაწყებისთანავე დაიხურა.

როგორც ბერაიამ აღნიშნა, დეტალების განხილვა ღია რეჟიმში არაა მიზანშეწონილი, რადგან ვაზიანში მდებარე სამხედრო ობიექტები საიდუმლო რეჟიმის ობიექტებს წარმოადგენს.

„დღევანდელ სხდომას მინისტრთან ერთად, ესწრებიან მინისტრის მოადგილე გიორგი ხაინდრავა, ლოგისტიკის სარდალი კახა ტაბატაძე და ავიაციის და საჰაერო თავდაცვის სარდალი სერგო ნინუა. ვინაიდან ვაზიანში მდებარე სამხედრო ობიექტები, პოლიგონთან ერთად, საიდუმლო რეჟიმის ობიექტებს წარმოადგენს და ამ დეტალების განხილვა ღია რეჟიმში ვერ მოხდება, ჩვენ სხდომა თავიდანვე უნდა დავხუროთ," - განაცხადა ირაკლი ბერაიამ.

ბურჭულაძე კომიტეტის სხდომაზე "რეფორმების ჯგუფმა" დაიბარა.

"რეფორმების ჯგუფის" წევრის, პარლამენტის თავდაცვისა და უშიშროების კომიტეტის თავმჯდომარის მოადგილის თეონა აქუბარდიას განცხადებით, ვაზიანში სამხედრო ბაზა არსებობს, ხოლო სამხედრო ბაზის სიახლოვეს სამოქალაქო აეროპორტის მშენებლობამ შესაძლოა სამხედრო ბაზის სრულფასოვან ფუნქციონირებას და სამომავლო განვითარებისა თუ გაფართოების შესაძლებლობას საფრთხე გაუჩინოს.

აქუბარდიას თქმით, მინისტრი აღნიშნული საკითხის გარშემო არსებულ კითხვებს კომიტეტის სხდომაზე უპასუხებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 20.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე