2023 წლის გლობალური ინოვაციის ინდექსის რეიტინგში საქართველო 9 პოზიციით დაწინაურდა

ინტელექტუალური საკუთრების მსოფლიო ორგანიზაციამ (WIPO) 2023 წლის გლობალური ინოვაციის ინდექსის რეიტინგი გამოაქვეყნა, სადაც საქართველო შარშანდელთან შედარებით, 9 პოზიციით დაწინაურდა და 132 ქვეყანას შორის 65-ე ადგილზეა წარმოდგენილი.

„საქპატენტის“ ინფორმაციით, ინოვაციების გლობალური ინდექსი (GII) 132 ქვეყანას აფასებს ინოვაციური შესაძლებლობების მიხედვით.

„GII მიზნად ისახავს ინოვაციურობის ყოვლისმომცველ ანალიზს ორი ქვე-ინდექსის ინოვაციური დანახარჯების (inputs) და პროდუქტების (outputs) გათვალისწინებით. თითოეული აგებულია ძირითადი კომპონენტების მიხედვით და შეფასება ეყრდნობა 80-მდე ინდიკატორს 7 თემატური კატეგორიის მიხედვით. აღსანიშნავია, რომ საქართველოს მონაცემები 2023 წელს ორივე ქვე-ინდექსის შემთხვევაში გაუმჯობესდა.

გლობალური ინოვაციების ინდექსის 2023 წლის საქართველოს შედეგები აჩვენებს კონკრეტულ სფეროებში ეკონომიკური და ინოვაციური განვითარების თვალსაზრისით ქვეყნის დაწინაურებას, რაც აისახება სხვადასხვა კომპონენტში ქულების გაუმჯობესებით. ქვეყანამ წელს 7 ძირითადი კომპონენტიდან 6-ის მონაცემები საგრძნობლად გააუმჯობესა. მათ შორის ისეთი მიმართულებები, როგორებიც არის ინსტიტუტები/ინსტიტუციური მოწყობა, ბიზნეს გარემო, ადამიანური კაპიტალი, ცოდნაზე და ტექნოლოგიაზე დაფუძნებული პროდუქტები, შემოქმედებითი/კრეატიული პროდუქტები და ინფრასტრუქტურა.

გლობალური ინოვაციების ინდექსი (GII) არის მსოფლიო ეკონომიკის ინოვაციური შესაძლებლობებისა და შედეგების რეიტინგი. გლობალური ინოვაციების ინდექსი (GII) აფასებს მსოფლიო ეკონომიკებს მათი ინოვაციური შესაძლებლობების მიხედვით. ის ავლენს მსოფლიოს ყველაზე ინოვაციურ ეკონომიკებს ქვეყნის საინოვაციო საქმიანობის ეფექტურობის ანალიზის საფუძველზე, ასევე აშუქებს ინოვაციების სფეროს ძლიერ და სუსტ მხარეებს“, - აღნიშნულია ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი