გენდერული ნიშნით მოტივირებული ქალთა მკვლელობების ეფექტიანი მონიტორინგის და აღრიცხვის შესახებ სამუშაო შეხვედრა ჩატარდა

საქართველოს პროკურატურის და გაეროს ქალთა ორგანიზაციის (UN Women)-ის ერთობლივი თანამშრომლობის ფარგლებში, გენდერული ნიშნით მოტივირებული ქალთა მკვლელობების (ფემიციდის) ეფექტიანი მონიტორინგის და აღრიცხვის შესახებ საქართველოს პროკურატურის, სახალხო დამცველის აპარატის და უზენაესი სასამართლოს წარმომადგენლების ერთობლივი სამუშაო შეხვედრა ჩატარდა.

პროკურატურის ინფორმაციით, შეხვედრაზე საქართველოს გენერალური პროკურატურის ადამიანის უფლებათა დაცვისა და სახალხო დამცველის აპარატის გენდერის დეპარტამენტების წარმომადგენლებმა ფემიციდის მონიტორინგის მეთოდოლოგიების პრეზენტაციები წარმოადგინეს და ფემიციდის შემთხვევების სტატისტიკის წარმოების გაეროს 2022 წლის მეთოდოლოგიური ჩარჩო დოკუმენტი განიხილეს.

„განსაკუთრებული ყურადღება დაეთმო ფემიციდის დანაშაულებზე საქართველოს პროკურატურის და სახალხო დამცველის აპარატის მონიტორინგის მეთოდოლოგიების დაახლოებას და საერთაშორისო სტანდარტების შესაბამისი სტატისტიკის წარმოების საკითხს. ასევე, ფემიციდის შემთხვევების პრევენციის მიზნით ერთიანი, სრულყოფილი და სეგრეგირებული მონაცემების აღრიცხვის და ფემიციდის მონიტორინგის მიმართულებით, დაიგეგმა უწყებების კოორდინირებული სამომავლო საქმიანობა. აღნიშნული სამუშაო შეხვედრა საქართველოს პროკურატურის ფემიციდის წინააღმდეგ ბრძოლის მასშტაბური კამპანიის ნაწილია, რომლის მიზანია ქალთა მიმართ გენდერული და ოჯახში ძალადობის წინააღმდეგ ცნობიერების ამაღლება და ფემიციდის პრევენცია. ფემიციდის წინააღმდეგ საინფორმაციო კამპანიის განმავლობაში, საქართველოს გენერალური პროკურატურის ადამიანის უფლებათა დაცვის დეპარტამენტი ყოველდღიურ რეჟიმში მონიტორინგს უწევს ქალთა მკვლელობისა და მკვლელობის მცდელობის სისხლის სამართლის საქმეებს, სწავლობს ფემიციდის დანაშაულების სისხლისსამართლებრივ და კრიმინოლოგიურ ასპექტებს. დეპარტამენტის მიერ მომზადებული ანგარიშები 2014-2022 წლებში ფემიციდის დანაშაულების მონიტორინგის შესახებ, ქართულ და ინგლისურ ენებზე ხელმისაწვდომია საქართველოს პროკურატურის ვებ-გვერდზე.

#არაფემიციდს

#მკვლელობაისჯებამკაცრად

#შეაჩერეფემიციდი

#სიყვარულიარკლავს“, - აღნიშნულია ინფორმაციაში.

https://pog.gov.ge/uploads/3a43d454-femicidi-2014-2022-GEO.pdf

https://pog.gov.ge/uploads/007f81e3-Femicide-2014-2022-ENG.pdf

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024