ანა ნაცვლიშვილი გივი მიქანაძეს - ბოლო ოცი წლის განმავლობაში, გისარგებლიათ შეკრებისა და მანიფესტაციის უფლებით? კანონს ცვლით და თქვენ თვითონ ყოფილხართ თუ არა მშვიდობიანი ან არამშვიდობიანი მანიფესტანტი?

ბოლო ოცი წლის განმავლობაში, გისარგებლიათ თუ არა შეკრებისა და მანიფესტაციის უფლებით? კანონს ცვლით და თქვენ თვითონ ყოფილხართ თუ არა მშვიდობიანი ან არამშვიდობიანი მანიფესტანტი? - ასე მიმართა „ლელოს“ წევრმა ანა ნაცვლიშვილმა, პლენარულ სხდომაზე, მმართველი პარტიის დეპუტატს, გივი მიქანაძეს, რომელმაც პარლამენტის წევრებს „შეკრებისა და მანიფესტაციების შესახებ“ კანონში შესატანი ცვლილებების კანონპროექტი დაჩქარებული წესით წარუდგინა.

ნაცვლიშვილმა კანონპროექტის ინიციატორების გამოცდილება სთხოვა.

„თქვენ განმარტებით ბარათში გიწერიათ, რომ არავისთან კონსულტაცია არ გაგივლიათ, არც ექსპერტებთან, არც დარგის სპეციალისტებთან. „შეკრებისა და მანიფესტაციების შესახებ“ კანონში ცვლილებას რომ გვთავაზობთ, რაღაც ტიპის გამოცდილება ამ უფლებით სარგებლობის, ალბათ, უნდა გქონდეთ. თქვენი პირადი და სხვა ინიციატორების გამოცდილება მაინტერესებს, ბოლო ოცი წლის განმავლობაში, გისარგებლიათ თუ არა შეკრებისა და მანიფესტაციის უფლებით? მაგალითად, საქართველოს უახლეს ისტორიაში კარგად ცნობილი მოვლენებისას? ან 7 ნოემბერს, ან 26 მაისს, ან 2012 წლის შემდეგ რომელიმე შემთხვევაში, როცა საზოგადოებამ ლეგიტიმურად ისარგებლა შეკრებისა და მანიფესტაციის უფლებით? რაიმე გამოცდილება თუ გაქვთ ამ უფლებით სარგებლობის? როდის, რა კონტექსტში და რა არის ეს გამოცდილება? მნიშვნელოვანი განაცხადია, კანონს ცვლით და თქვენ თვითონ ყოფილხართ თუ არა მშვიდობიანი ან არამშვიდობიანი მანიფესტანტი, თქვენი ცხოვრების განმავლობაში? იქნებ გაგვიზიაროთ ეს გამოცდილება“, - განაცხადა ანა ნაცვლიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024