ალეკო ელისაშვილი უმრავლესობას - რატომ ნაყავთ წყალს, როცა იცით, რომ წყლის ნაყვის შედეგად არაფერი დარჩება?!

რატომ ნაყავთ წყალს, როცა იცით, რომ წყლის ნაყვის შედეგად არაფერი დარჩება?! - ასე მიმართა „მოქალაქეების“ ლიდერმა ალეკო ელისაშვილმა მმართველი პარტიის დეპუტატს, გივი მიქანაძეს, რომელმაც პარლამენტის წევრებს „შეკრებისა და მანიფესტაციების შესახებ“ კანონში შესატანი ცვლილებების კანონპროექტი დაჩქარებული წესით წარუდგინა.

როგორც ელისაშვილმა აღნიშნა, სადაც კი რაიმე რევოლუცია მომხდარა და ქუჩაში აქციებითა და მღელვარებით ხელისუფლება შეცვლილა, იქ მთავარი მოქმედი პირი იყო ხელისუფლება და მის მიერ დაშვებული შეცდომები.

„ჩვენს უახლეს ისტორიას რომ თვალი გადავავლოთ, გავიხსენოთ „ნაციონალური მოძრაობის“ მმართველობის ბოლო წლები, მიიღეს ასეთი ცვლილება, სწორედ გახშირებული მიტინგებისა და აქციების გამო, რომ სამთავრობო შენობებთან ადრე თუ არ შეიძლებოდა 20 მეტრზე მეტად მიახლოება, 50 მეტრამდე გაზარდეს ეს დისტანცია. პანტაპუნტით იჭერდნენ მერე აქტივისტებს, მაგრამ, საერთო ჯამში, ამან არ უშველა, აგერ ოპოზიციაში სხედან. ჰკითხეთ რამდენად უშველა ასეთმა ძალისხმევამ. ზუსტად იგივეა რისი ცვლილებაც გინდათ. პრევენცია გინდათ იმის, რომ ქუჩაში ხალხი არ გამოვიდეს და თუ გამოვა რაღაცნაირი ბერკეტი გქონდეთ. მოდით ახლა კაცობრიობის ისტორიას გადავავლოთ თვალი, ჩვენს უახლეს ისტორიასთან ერთად. სადაც კი რაიმე რევოლუცია მომხდარა და ქუჩაში აქციებითა და მღელვარებით ხელისუფლება შეცვლილა, იქ მთავარი მოქმედი პირი იყო ხელისუფლება და მის მიერ დაშვებული შეცდომები, რომ ის არ უგდებდა ყურს ხალხს, არ ფიქრობდა ხალხის რეალურ პრობლემებზე, ხალხის გასაჭირზე, სადღაც თავისას ერეკებოდა და ის შედეგები უდგებოდა ყველას, რომელიც დაუდგა. იანუკოვიჩი იქნებოდა, საფრანგეთის რევოლუცია და თუ ნებისმიერი სხვა. ასე რომ, აბსოლუტურად ამაო ძალისხმევით ხართ, ჩემი აზრით, დაკავებულები და მეც იმავე კითხვას დაგისვამთ, რაც ჰერმანმა გკითხათ, რატომ ნაყავთ წყალს? როცა იცით, რომ წყლის ნაყვის შედეგად არაფერი დარჩება?!“ - განაცხადა ალეკო ელისაშვილმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი