ირაკლი ბერაია - არჩევანი - ფრენები, ეკონომიკა თუ უსაფრთხოება, ასე არ დგას - ვაზიანის აეროპორტის პროექტი არანაირ პრობლემას არ ქმნის, პირიქით, კიდევ უფრო უკეთესი იქნება ქვეყნის უსაფრთხოებისთვის

არჩევანი - ფრენები, ეკონომიკა თუ უსაფრთხოება, ასე არ დგას. ვაზიანის აეროპორტის პროექტი არანაირ პრობლემას არ ქმნის, პირიქით, კიდევ უფრო უკეთესი იქნება ქვეყნის უსაფრთხოებისთვის, - ამის შესახებ თავდაცვის კომიტეტის თავმჯდომარე ირაკლი ბერაიამ თავდაცვის კომიტეტის სხდომის დასრულების შემდეგ განაცხადა, სადაც ვაზიანში სამოქალაქო აეროპორტის მშენებლობის საკითხზე თავდაცვის მინისტრ ჯუანშერ ბურჭულაძეს მოუსმინეს.

ბერაიას განცხადებით, პროექტზე ყოვლისმომცველი ანალიზი გაკეთდება.

„ვაზიანში ახალი აეროპორტის მშენებლობა დღეს არსებული წინასწარი მონაცემებით, არანაირ საფრთხეს არ შეუქმნის სამოქალაქო ავიაციას, არანაირი საფრთხის შემცველი არ იქნება ფრენებისთვის, იგივე დისტანციაზე სამხედრო ობიექტებიდან დღეს ფუნქციონირებს თბილისის საერთაშორისო აეროპორტი. ახალი აეროპორტის განვითარება „იკაოს“ შესაბამისი სტანდარტებით შერჩეული ლოკაციიდან გამომდინარე იქნება კიდევ უფრო მოსახერხებელი, კიდე უფრო დიდი დატვირთვის შესაძლებლობის მქონე და ფრენების თვალსაზრისით უფრო უსაფრთხო. იყო სპეკულაცია, თითქოს სამოქალაქო აეროპორტის მშენებლობა ხელს შეუშლიდა ირგვლივ სამხედრო ინფრასტრუქტურის ფუნქციონირებას და განვითარებას, ეს არის სრული სიცრუე. არჩევანი ფრენები, ეკონომიკა თუ უსაფრთხოება, ასე არ დგას. ეს პროექტი იქნება წარმატებული ეკონომიკის განვითარებისთვის, არანაირ პრობლემას არ ქმნის, პირიქით, კიდევ უფრო უკეთესი იქნება ქვეყნის უსაფრთხოებისთვის”, - განაცხადა ბერაიამ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი