პაატა მანჯგალაძე უმრავლესობას - კარავი გავიყვანოთ ცეცხლსასროლი იარაღის და ფეთქებადსაშიში ნივთიერებების კატეგორიაში, ამას ამბობთ?! - ჩანთით, რომ შემოიტანოს - ჩანთებიც ავკრძალოთ, თბილი ტანსაცმელი ავკრძალოთ

კარავი გავიყვანოთ ცეცხლსასროლი იარაღის და ფეთქებადსაშიში ნივთიერებების კატეგორიაში, ამას ამბობთ?! ჩანთით, რომ შემოიტანოს - ჩანთებიც ავკრძალოთ, თბილი ტანსაცმელი ავკრძალოთ, - ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ პარლამენტის პლენარულ სხდომაზე განაცხადა, სადაც „შეკრებებისა და მანიფესტაციების შესახებ“ კანონში დაგეგმილი ცვლილებების პროექტს განიხილავენ.

მანჯგალაძის თქმით, აღნიშნულ კანონს პროპაგანდისტული მიზანი აქვს, რომ სუს-ის განცხადებამ დამაჯერებლობა შეიძინოს.

„განხილვებმა და საუბარმა ამ კანონთან დაკავშირებით კიდევ ერთხელ დამარწმუნა, რომ ამას აქვს ორი მიზანი - პირველი და მთავარი არის პროპაგანდისტული მიზანი, რომ სუს-ის განცხადებამ, „ფეიკმა“ შეიძინოს დამაჯერებლობა. ახლა უნდათ გამოგვიწვიონ დისკუსიაში, რომ თითქოს ესენი არიან კარვების ქალაქის და არეულობის წინააღმდეგ და ჩვენ გვინდა კარავი, კარვების ქალაქი და შესაბამისად, გაიზრდება მტკიცებულება ხალხში, რომ ვითომ ჩვენ გვინდა არეულობა. აი, ამას ემსახურება ეს და მეორე მიზანია პრაქტიკული, რომ დისკომფორტი არ შეექმნას ხელისუფლებას.

კარავი გავიყვანოთ ცეცხლსასროლი იარაღის და ფეთქებადსაშიში ნივთიერებების კატეგორიაში, ამას ამბობთ?! ჩანთით, რომ შემოიტანოს - ჩანთებიც ავკრძალოთ, თბილი ტანსაცმელი ავკრძალოთ. კარვის დანიშნულებაა, რომ ადამიანი არ გაიყინოს ზამთარში და თბილი ტანსაცმელიც უნდა ავკრძალოთ, რომ ადამიანი დიდხანს ვერ გაჩერდეს ამ კარავთან?! - შიშია ეს ყველაფერი, პროპაგანდაა და რატომ აკეთებთ ამას. ეს ხომ სისუსტის გამოვლინებაა. ვინმეს უშველა ჭანჭიკების დაჭერამ?- არავის არ უშველა, ვის ატყუებთ“, - განაცხადა მანჯგალაძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი