საკონსტიტუციო სასამართლოში, პრეზიდენტის საიმპიჩმენტო წარდგინების განხილვისას, ირაკლი კობახიძესა და თამარ ჩუგოშვილს შორის სიტყვიერი დაპირისპირება მოხდა

საკონსტიტუციო სასამართლოში, სადაც პრეზიდენტის საიმპიჩმენტო წარდგინების განხილვა მიმდინარეობს, „ქართული ოცნების“ თავმჯდომარე ირაკლი კობახიძესა და პრეზიდენტის წარმომადგენელ თამარ ჩუგოშვილს შორის სიტყვიერი დაპირისპირება მოხდა.

უფრო კონკრეტულად, შელაპარაკება მას შემდეგ დაიწყო, რაც ჩუგოშვილმა კობახიძეს კითხვებზე პასუხი შეაწყვეტინა, სასამართლოს მიმართა და თქვა, რომ ირაკლი კობახიძე ლექციას კითხულობს, ერთი და იმავეს იმეორებს და სატელევიზიო „მესიჯებით“ საუბრობს. მისი თქმით, „სასამართლო უსმენს საკითხებს, რომელიც აბსოლუტურად აცდენილია კითხვებს“.

„გარკვევა მინდა იმის, ჩვენც მოგვეცემა თუ არა იმის შესაძლებლობა, რომ სამი საათის განმავლობაში ვიკითხოთ ლექციები, ვიმეოროთ ერთი და იგივე, ჩვენ არ ვდემაგოგობთ, მაგრამ საქმესთან დაკავშირებული-არა დაკავშირებული, ლექცია, სატელევიზიო „მესიჯები“ ვისაუბროთ“, - განაცხადა ჩუგოშვილმა.

ირაკლი კობახიძემ კი თამარ ჩუგოშვილს უთხრა, რომ „ყველაფერი ეს ღირსების ამბავია“.

„ერთი წინადადება ახსენეთ, რომელიც იყო სატელევიზიო "მესიჯი" ან ლექცია. მითუმეტეს, არც პოლიტიკოსი ხარ. პოლიტიკოსი რომ იყო, კიდევ გეპატიება, მაგრამ არც პოლიტიკოსი ხარ და არც არაფერი. საკონსტიტუციო კომისიის მდივანი იყავი და ერთ სამუშაო შეხვედრას არ დასწრებიხარ. სირცხვილია. ღირსების ამბავია ეს ყველაფერი“, - განაცხადა ირაკლი კობახიძემ.

საკონსტიტუციო სასამართლოს თავმჯდომარემ მერაბ ტურავამ თამარ ჩუგოშვილს მიმართა, რომ წარდგინების ავტორების მოსმენის შემდეგ შეკითხვებზე პასუხი პრეზიდენტის წარმომადგენლებსაც შეეძლებათ.

„ჩვენი მუშაობის სტრუქტურა იქნება შემდეგი - მას შემდეგ, რაც მოვუსმენთ წარდგინების ავტორებს, მოგეცემათ სიტყვა შეკითხვებზე პასუხისთვის და შეიძლება უფრო მეტი ხანიც გაგრძელდეს“,- განაცხადა მერაბ ტურავამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024