ვეტერანების საქმეთა სახელმწიფო სამსახურის ვეტერანის დღისადმი მიძღვნილ კვირეულთან დაკავშირებით ინფორმაციას ავრცელებს

ვეტერანების საქმეთა სახელმწიფო სამსახური, ყოველწლიურად ატარებს ვეტერანის დღისადმი მიძღვნილ კვირეულს - ვიმედოვნებთ, რომ არა ერთი ორგანიზაცია გამოთქვამს მზადყოფნას, თანადგომა გამოხატოს იმ ღირსეული ადამიანებისა და მათი ოჯახების მიმართ, რომელნიც ჩვენს ქვეყანას თავდადებით ემსახურნენ, - ამის შესახებ ვეტერანების საქმეთა სახელმწიფოს განცხადებაშია აღნიშნული.

უწყება ღონისძიებების თაობაზე წინადადებების მიღებას იწყებს.

„17 ოქტომბერს, ჩვენს ქვეყანაში, ვეტერანის დღე აღინიშნება. ეს დღე, ეკუთვნის ყველა თაობის ომისა და თავდაცვის ძალების ვეტერანს, რომელსაც დიდი წვლილი მიუძღვის ჩვენი ქვეყნის ტერიტორიული მთლიანობის, თავისუფლებისა და დამოუკიდებლობისათვის ბრძოლაში. ვეტერანებისთვის განსაკუთრებით მნიშვნელოვანია საზოგადოების მხარდაჭერა და მათ მიმართ მადლიერების გამოხატვა იმ ფასდაუდებელი ღვაწლისთვის, რაც ქვეყნისთვის გაიღეს.

ვეტერანების საქმეთა სახელმწიფო სამსახური, ყოველწლიურად ატარებს ვეტერანის დღისადმი მიძღვნილ კვირეულს, რომლის ფარგლებშიც, სამსახური, ვეტერანებისა და მათი ოჯახის წევრთათვის, სხვადასხვა სახელმწიფო უწყებებთან, არასამთავრობო ორგანიზაციებთან, კერძო სექტორთან, ბიზნესის წარმომადგენლებთან ერთად, გეგმავს და ახორციელებს სხვადასხვა სახის აქტივობებს, საქველმოქმედო პროექტებს, რომელთა მიზანია, საზოგადოების ფართო ფენების, ახალგაზრდა თაობის ჩართულობა, საზოგადოებაში ვეტერანის შესახებ ცნობიერების ამაღლება.

ვიმედოვნებთ, რომ არა ერთი ორგანიზაცია გამოთქვამს მზადყოფნას, თანადგომა გამოხატოს იმ ღირსეული ადამიანებისა და მათი ოჯახების მიმართ, რომელნიც ჩვენს ქვეყანას თავდადებით ემსახურნენ და დღესაც მზად არიან, საკუთარი სიცოცხლის ფასად დაიცვან ჩვენი სამშობლო.

ერთობლივი საქველმოქმედო ღონისძიებების თაობაზე, რომელიც მასმედიის საშუალებებით გაშუქდება, წინადადებების შესახებ, გთხოვთ, მიმდინარე წლის 10 ოქტომბრამდე, დაგვიკავშირდეთ ელექტრონული ფოსტის მისამართზე: info@veterans.gov.ge ან დაუკავშირდეთ ვეტერანების საქმეთა სახელმწიფო სამსახურის საზოგადოებასთან ურთიერთობის განყოფილებას ცხელ ხაზზე: 2 48 16 26“,- ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024