მიხეილ ხიდურელი - საუდის არაბეთის საინვესტიციო პოტენციალის ასათვისებლად მნიშვნელოვანი ვიზიტი გვქონდა, რომელიც UNWTO-ს გენერალური მდივნის მხარდაჭერით განხორციელდა

საუდის არაბეთი ჩვენთვის სტრატეგიულად მნიშვნელოვანი ქვეყანაა საინვესტიციო და სავაჭრო მიმართულებით და მზად ვართ, „აწარმოე საქართველოში“ ფარგლებში, არაბულ მხარესთან ინვესტიციების მოზიდვის მიზნით მჭიდრო კომუნიკაციაში ვიყოთ, - ამის შესახებ სააგენტოს დირექტორმა მიხეილ ხიდურელმა საუდის არაბეთში, მსოფლიო ტურიზმის დღისადმი მიძღვნილი კონფერენციის ფარგლებში გამართული შეხვედრების შემდეგ განაცხადა.

სააგენტოს „აწარმოე საქართველოში“ ინფორმაციით, კონფერენციის ფარგლებში სააგენტოს დირექტორმა სხვადასხვა ქვეყნის მინისტრებს, მათ შორის საუდის არაბეთის ინვესტიციების მინისტრს ხალიდ ალ ფალიჰდას, არაბულ მსხვილ კომპანიებსა და პოტენციურ ინვესტორებს, საქართველოს საინვესტიციო მიზიდულობა და უცხოელი ინვესტორებისთვის არსებული შესაძლებლობები გააცნო.

მიხეილ ხიდურელის თქმით, შეხვედრა მსოფლიო ტურიზმის გენერალური მდივნის ორგანიზებით გაიმართა, რომელიც მნიშვნელოვან როლს თამაშობს საქართველოს და მსოფლიოს სხვადასხვა ქვეყნების საინვესტიციო და ტურისტული პოტენციალის პოპულარიზაციაში.

„საუდის არაბეთი ჩვენი ქვეყნისთვის ერთ-ერთი პრიორიტეტული და სტრატეგიული მიმართულებაა. წლების განმავლობაში საუდის არაბეთსა და საქართველოს შორის საგრძნობლად გაიზარდა სავაჭრო-ეკონომიკური ურთიერთთანამშრომლობა, თუმცა კვლავაც არსებობს საკმაოდ დიდი პოტენციალი არაბული ინვესტიციების მოზიდვის.

სწორედ ამიტომ, გაერო-ს მსოფლიო ტურიზმის ორგანიზაციის ეგიდით გამართულ მსოფლიო ტურიზმის დღის კონფერენციის ფარგლებში, ჩვენ საკმაოდ მაღალი რანგის შეხვედრები გავმართეთ, მათ შორის საუდის არაბეთის ინვესტიციის მინისტრთან, რომელსაც დეტალურად გავაცანით საქართველოს საინვესტიციო პოტენციალი. ასევე შევხვდით მსხვილ კომპანიებს ენერგეტიკისა და უძრავი ქონების სექტორიდან. იმედს ვიტოვებ, რომ მომავალში თანამშრომლობის აქტიურ ფაზაზე გადავალთ“, - განაცხადა მიხეილ ხიდურელმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024