გიორგი ტყემალაძე თბილისის მთავრობის სხდომაზე გაჟღერებულ ინიციატივებს ეხმაურება

თბილისის გერბისა და დროშის შესაცვლელად კონკურსი გამოცხადდება და სპეციალურად შექმნილი კომისია საუკეთესო ესკიზებს შეარჩევს, - ამის შესახებ თბილისის საკრებულოს თავმჯდომარემ, გიორგი ტყემალაძემ დედაქალაქის მთავრობის სხდომის დასრულების შემდეგ განაცხადა.

მისი განმარტებით, თბილისს „სახელმწიფო მნიშვნელობის სიმბოლოების შესახებ“ კანონით დადგენილი გერბი და დროშა არ აქვს და მთავრობის დადგენილების შესაბამისად, სავალდებულოა შეიქმნას თბილისის ოფიციალური სიმბოლიკა.

„დედაქალაქის მთავრობის დღევანდელ სხდომაზე, თბილისის მერმა გააჟღერა გადაწყვეტილება გერბისა და დროშის შესაცვლელად კონკურსის გამოცხადების შესახებ. ყველა მუნიციპალიტეტს, თბილისის გარდა, უკვე აქვს მოქმედი კანონმდებლობის შესაბამისი ჰერალდიკური სიმბოლოები. შეიქმნება სპეციალური კომისია, რომელიც კონკურსის წესით თბილისის გერბისა და დროშის საუკეთესო ესკიზებს გამოავლენს. აღსანიშნავია ისიც, რომ ემირ ბურჯანაძის ავტორობით შექმნილი სიმბოლოს გამოყენება კვლავ იქნება შესაძლებელი“, - განაცხადა გიორგი ტყემალაძემ.

თბილისის საკრებულოს თავმჯდომარე, დედაქალაქის მერის კიდევ ერთ ინიციატივას გამოეხმაურა, რაც 2024 წლის 1-ლი იანვრიდან, პიკის საათებში, დიდი გაბარიტების მქონე ავტომობილების გადაადგილების შეზღუდვას გულისხმობს. გიორგი ტყემალაძის განცხადებით, აღნიშნული ინიციატივის განხორციელება თბილისის ქუჩებს საგრძნობლად განტვირთავს და მოსახლეობისთვის გადაადგილებას კომფორტულს გახდის.

როგორც გიორგი ტყემალაძემ განაცხადა, მნიშვნელოვანია, რომ აღნიშნული ინიციატივის განხორციელებაში ბიზნესსექტორის წარმომადგენლებიც აქტიურად იყვნენ ჩართულნი.

მისივე თქმით, მუნიციპალიტეტი მათთან მოლაპარაკებებს უკვე აწარმოებს.

როგორც საკრებულოს თავმჯდომარემ განმარტა, აღნიშნული შეზღუდვა კონკრეტულ უბნებსა და დღეებში იმოქმედებს, რის შესახებაც თბილისელებს ინფორმაცია მოგვიანებით დეტალურად ეცნობება.

გიორგი ტყემალაძის თქმით, იქნება გამონაკლისებიც, რაზეც რეგულაცია არ გავრცელდება და ეს იქნება: საზოგადოებრივი ტრანსპორტი, არაგეგმური საავარიო და სიცოცხლის ჯანმრთელობის საფრთხის შემთხვევების აღმოსაფხვრელად საჭირო ტრანსპორტი, მუნიციპალური ან სახელმწიფო ინფრასტრუქტურულ პროექტების განხორციელებისთვის საჭირო ტრანსპორტი, მოსწავლეებისა და სტუდენტების გადაადგილებისთვის საჭირო ტრანსპორტი, ტურისტული საქმიანობის განხორციელებისთვის საჭირო ტრანსპორტი და სხვა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს