მაია კოპალეიშვილი - პრეზიდენტის მიერ წარმომადგენლობითი უფლებამოსილების განხორციელება მთავრობის თანხმობას გულისხმობს და პოლიტიკურ შედეგს ითვალისწინებს, ევროპული ვიზიტების მიზანი კი ევროპული კურსის მხარდაჭერა იყო

საქართველოს პრეზიდენტის წარმომადგენლის, მაია კოპალეიშვილის განცხადებით, პრეზიდენტის მიერ წარმომადგენლობითი უფლებამოსილების განხორციელება მთავრობის თანხმობას გულისხმობს და პოლიტიკურ შედეგს ითვალისწინებს, პრეზიდენტის ევროპული ვიზიტების მიზანი კი არა ახალი პოლიტიკის განსაზღვრა, არამედ ევროინტეგრაციის კურსის მხარდაჭერა იყო.

კოპალეიშვილმა საკონსტიტუციო სასამართლოში პრეზიდენტის საიმპიჩმენტო წარდგინების განხილვისას განმარტა, რომ ვიზიტებისას საქართველოს პრეზიდენტი მოქმედებს მთავრობის მიერ უკვე გაცხადებული პოლიტიკით, რომლის შესახებაც ხელისუფლებამ ევროინტეგრაციასთან დაკავშირებული განაცხადი წარადგინა.

„წარმომადგენლობის უფლებამოსილება 52-ე მუხლის „ა“ ქვეპუნქტის ფარგლებში გულისხმობს მთავრობის თანხმობით წარმომადგენლობით უფლებამოსილებას, 49-ე მუხლის მე - 3 პუნქტი კი, გულისხმობს სახელმწიფოს წარმოდგენას, როგორც სახელმწიფოს მეთაურის და არა იმ გაგებით, რომ პოლიტიკურ შედეგებზე იყო საუბარი. როდესაც ევროინტეგრაციის მხარდასაჭერად განახორციელა ვიზიტები, ისინი მხარდაჭერის მიზნით განხორციელდა და არა იმისათვის, რომ პოლიტიკური შედეგი დაედო.

საქართველოს პრეზიდენტი ამ სამ ვიზიტთან დაკავშირებით, დავარქვათ ევროპული ვიზიტები, რომელიც მოყვანილია წარდგინებაში, თავისივე განცხადებით, რომელიც თავის ვებ-გვერდზე გამოაქვეყნა 2023 წლის 30 აგვისტოს, აღნიშნავს, რომ ის იწყებს სწორედ ამ ვიზიტებს ევროინტეგრაციის კურსის მხარდასაჭერად.

აქედან გამომდინარე, ნათელია, რომ საქართველოს პრეზიდენტი მოქმედებს არა ახალი პოლიტიკის განსაზღვრის მიზნით, ან ახალი პოლიტიკის შესაქმნელად, ან შესაცვლელად, არამედ საქართველოს მთავრობის მიერ უკვე გაცხადებული პოლიტიკით, რომლის შესახებაც მთავრობამ 2022 წლის 3 მარტს ევროინტეგრაციასთან დაკავშირებული განაცხადი წარადგინა და რომელთან მიმართებითაც, როგორც ვიცით და როგორც მთავრობა საუბრობს - მუშაობს“,- განაცხადა მაია კოპალეიშვილმა.

მისივე თქმით, პრეზიდენტს ნამდვილად არ უნდა ჰქონდეს ისეთი უფლებამოსილების განხორციელების უფლება საგარეო პოლიტიკაში, რომელიც მთავრობის პოლიტიკურ პასუხისმგებლობას გულისხმობს, მაგრამ ეს მის მიერ საქართველოს წარმოდგენის შესაძლებლობას არ გამორიცხავს.

„52-ე მუხლის „ა“ ქვეპუნქტი სრულიად გამართლებულია მთავრობის როლიდან გამომდინარე. მართლაც არ უნდა ჰქონდეს პრეზიდენტს ისეთი უფლებამოსილების განხორციელების უფლება საგარეო პოლიტიკაში, რომელიც მთავრობის პოლიტიკურ პასუხისმგებლობას გულისხმობს, მაგრამ ეს არ გამორიცხავს შესაძლებლობას, ჰქონდეს უფლებამოსილება რომ განახორციელოს საგარეო ურთიერთობები და წარმოადგინოს საქართველო“, - განაცხადა კოპალეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს