ირაკლი კობახიძე პრეზიდენტის წარმომადგენელს - ეს ადეიშვილის სასამართლო კი არ არის, ეს არის საკონსტიტუციო სასამართლო და პატივი ეცით

ეს ადეიშვილის სასამართლო კი არ არის, ეს არის საკონსტიტუციო სასამართლო და პატივი ეცით, - ასე მიმართა საქართველოს საკონსტიტუციო სასამართლოში პრეზიდენტის საიმპიჩმენტო წარდგინების განხილვისას „ქართული ოცნების“ თავმჯდომარე ირაკლი კობახიძემ პრეზიდენტის წარმომადგენელს მაია კოპალეიშვილს.

სიტყვიერი დაპირისპირება სასამართლოში კოპალეიშვილსა და კობახიძეს შორის მას შემდეგ დაიწყო, რაც ირაკლი კობახიძე დაინტერესდა, პრეზიდენტის უცხოეთში სამუშაო ვიზიტით იყო თუ პირადი ვიზიტით და აღნიშნა, რომ სწორედ ამიტომაც იყო მნიშვნელოვანი პრეზიდენტის დარბაზში ყოფნა, რადგან „რეალურად პრეზიდენტი სხვა რამეს ამბობს, მისი წარმომადგენლები სხვა რამეს ამბობენ“.

კობახიძის ამ ფრაზის შემდეგ კოპალეიშვილმა განაცხადა, რომ აპროტესტებს და მოიხსნას ისეთი კითხვები, რომელიც კავშირში არ არის წარდგინებასთან, რის შემდეგაც ირაკლი კობახიძემ კოპალეიშვილის მიმართა, რომ „ადეიშვილის სასამართლო არ არის. არც გვარამიას სასამართლო, ვისი მოადგილეც იყავით წლების მანძილზე“.

ირაკლი კობახიძის ამ რეპლიკის საპასუხოდ კოპალეიშვილმა მას სერგეი გავრილოვის საკითხი შეახსენა.

„წესიერად ილაპარაკეთ, თორემ მეც გეტყვით, ვის სასამართლოში ხართ“. მერე, რა მე ვამაყობ მაგით , რომ ვიყავი მოადგილე. სხვათა შორის თქვენ იყავით, გავრილოვი რომ ჩამოიყვანეთ ამ საქართველოში.

თქვენ მიხედეთ თქვენ წარსულს, გავრილოვი თქვენ ჩამოიყვანეთ, მე არ ჩამომიყვანია“, - დასძინა კოპალეიშვილმა.

ავთანდილ წულაძე - მიუნხენის კონფერენციის ფონზე საქართველო და სომხეთი ძალიან რთულ ვითარებაში არიან, რადგან ვაშინგტონის ინტერესი ჩვენი რეგიონის მიმართ ჯერ არ ჩანს
ქართული პრესის მიმოხილვა 17.02.2025
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს