ლევან დავითაშვილი - 2012 წელთან შედარებით ფაქტობრივად სხვა ეკონომიკა გვაქვს - ჩემი სტილი არ არის შევადარო, მაგრამ ოპოზიცია თავად ითხოვს მოსახლეობას შევახსენოთ, როგორ შეიცვალა მდგომარეობა

2012 წელთან შედარებით 2022 წელს სიღარიბე განახევრდა. ასევე 40%-ით შემცირდა უმუშევრობის დონე, - ასე უპასუხა საქართველოს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა „ნაციონალური მოძრაობის“ თავმჯდომარის, ლევან ხაბეიშვილის კითხვას, ბანკების მოგების გაზრდის გარდა, სხვა რა მიმართულებით არის პროგრესი.

როგორც დავითაშვილმა პარლამენტში აღნიშნა, 2012 წელთან შედარებით, ფაქტობრივად სხვა ეკონომიკა გვაქვს.

„ჯერ ერთი საბანკო სექტორი არის საფინანსო სექტორის მნიშვნელოვანი ნაწილი. როგორც საბანკო სექტორის მოგება გაიზარდა, ისე ძალიან ბევრი რამ გაიზარდა ეკონომიკური მიმართულებით 2012 წელთან შედარებით. მაგალითად, 2012 წელთან შედარებით 2022 წელს სიღარიბე განახევრდა. ასევე 40%-ით შემცირდა უმუშევრობის დონე. 2012 წელთან შედარებით, ბიზნეს სექტორში სამუშაო ადგილების რაოდენობა გაიზარდა 245 ათასი დასაქმებულით. მთლიანი შიდა პროდუქტი იცით, რომ 165%-ით გაიზარდა.

2012 წელთან შედარებით, ფაქტობრივად სხვა ეკონომიკა გვაქვს. მშპ 1 სულ მოსახლეზე გაიზარდა 2,7 ჯერ . 2,3 ჯერ გაიზარდა ექსპორტი. გაიზარდა ტურიზმიდან მიღებული შემოსავლები, უცხოური ინვესტიციები. შემცირდა მიმდინარე ანგარიშის დეფიციტი. რეკორდულია ელექტროენერგიის გამომუშავება და ა.შ. სია საკმაოდ დიდია, უბრალოდ, მსმენელი დაიღლება, რომ აღვნიშნოთ თუ რა გაიზარდა და შეიცალა ქვეყანაში 2012 წლიდან.

ჩემი სტილი არ არის 2012 წელს შევადარო, მაგრამ ოპოზიცია თვითო ითხოვს მოსახლეობას შევახსენოთ როგორ შეიცვალა ეკონომიკის მდგომარეობა 2012 წელთან შედარებით“, - განაცხადა დავითაშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი