შინაგან საქმეთა მინისტრის მოადგილე შსს-ს აკადემიაში მიმდინარე სწავლების პროცესს დაესწრო და განახლებული ინფრასტრუქტურა დაათვალიერა

შინაგან საქმეთა მინისტრის მოადგილე, ალექსანდრე დარახველიძე შინაგან საქმეთა სამინისტროს აკადემიაში, მინისტრის ბრძანებით დამტკიცებულ გამომძიებელთა კვალიფიკაციის ასამაღლებელი კურსის მიმდინარეობას და მიმდინარე სწავლების პროცესს დაესწრო.

ინფორმაციას უწყების პრესსამსახური ავრცელებს.

შსს-ის ინფორმაციით, მინისტრის მოადგილეს აკადემიის რექტორმა, ზურაბ ზუბადალაშვილმა მოადგილეებთან ერთად უმასპინძლა.

„შინაგან საქმეთა სამინისტროს აკადემიაში დაიწყო კვალიფიკაციის ასამაღლებელი კურსები, რომელსაც საფუძვლად დაედო, შინაგან საქმეთა მინისტრის ბრძანებით დამტკიცებული 6-თვიანი სამოქმედო გეგმა.

გეგმით გათვალისწინებულია სწავლებები ისეთ პრიორიტეტულ საკითხებთან დაკავშირებით, როგორიცაა: ოჯახში და ქალთა მიმართ ძალადობა, სქესობრივი თავისუფლებისა და ხელშეუხებლობის წინააღმდეგ მიმართული დანაშაულები, სექსუალური შევიწროება, ცალკეული საგამოძიებო და საპროცესო მოქმედებების ჩატარების თავისებურებები და სხვა. აღნიშნული სწავლების ფარგლებში შინაგან საქმეთა სამინისტროს ტერიტორიული დანაყოფის 480 გამომძიებელი გადამზადდება.

ტრენინგები განგრძობადი ხასიათისაა, რომელსაც ეტაპობრივად ყველა გამომძიებელი გაივლის და ყოველ 6 თვეში განახლდება. სწავლებებს, შინაგან საქმეთა სამინისტროს აკადემიის ინსტრუქტორებთან ერთად, ადამიანის უფლებათა დაცვისა და გამოძიების ხარისხის მონიტორინგის დეპარტამენტის თანამშრომლებიც ჩაატარებენ.

შინაგან საქმეთა მინისტრის მოადგილე აკადემიის მსმენელებსა და თანამშრომლებს გაესაუბრა და წარმატებები უსურვა. ალექსანდრე დარახველიძემ სასწავლებლის განახლებული ინფრასტრუქტურაც დაათვალიერა“, - აღნიშნულია შსს-ის მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს