თაკო ჩარკვიანი „შეკრებისა და მანიფესტაციების შესახებ“ კანონში შესატან ცვლილებებზე - ეს არის თავისუფალი სიტყვის შელახვა, სადღაც ადრეულ კომუნიზმში ვბრუნდებით აზროვნებით - ძალიან სირცხვილია!

ეს არის თავისუფალი სიტყვის შელახვა. კომუნიზმის პერიოდში, სადღაც ადრეულ კომუნიზმში ვბრუნდებით აზროვნებით. ძალიან სირცხვილია! წყნარად, მშვიდად, გაიწვიეთ ეს სისულელე, უბედურებაა ეს, არაა კარგი, - ასე მიმართა ოპოზიციონერმა დეპუტატმა თაკო ჩარკვიანმა მმართველ გუნდს პლენარულ სხდომაზე, სადაც „შეკრებისა და მანიფესტაციების შესახებ“ კანონში შესატანი ცვლილებების კანონპროექტის მეორე მოსმენით განხილვა მიმდინარეობს.

მისივე თქმით, ხელისუფლებისთვის ეს არის აბსოლუტურად „აუტკივებელი თავის ატკივება“.

„რაში გჭირდებათ? ეს ამბავი ხომ ვერ გამოვა?! მესმის თალაკვაძეს არ უნდა, რომ ახსოვდეს ან ვერ უნდა, გუშინ სანდრას ინტერვიუს გადავხედე და 2013 წელს მთლად „ნაციონალი“ ყოფილა ეს კაცი, ეს მე არ ვიცოდი. არ ემახსოვრება, რა თქმა უნდა, რომ ყოფილი ხელისუფლების დროს, გუშინ გითხარით ეს ამბავი, ჩვენ, ოპოზიციას 3-4 თვის განმავლობაში კარვები გვედგა. ვის რა არაცნობიერი აქვს ხომ იცით, ჩემი არაცნობიერია „კარავში სიცივეა და ლეიბია საჭირო“ და აი, თალაკვაძის არაცნობიერი ეტყობა სხვა არის, მის პოეზიას გადავხედე და მივხვდი, რომ ცოტა ეროტიკული არაცნობიერი აქვს. ვერ ემახსოვრება მას, არ უნდა რომ ახსოვდეს, 4 თვის განმავლობაში დადგმული კარვები. დავუშვათ ოპოზიციამ დადგა კარავი და რა ხდება? რა შიშებია? ოკუპირებული ქვეყანა ვართ. რუსი რომ შემოვა, არ მგონია ერთად არ დავდგეთ. რუსების მხარეს ხომ არ დადგებით? 8 აგვისტოს რუსი რომ შემოვიდა, მთელი ოჯახით ჯაჭვში ვიდექით. მამაჩემი ჯოხით, გაქანებულ ოპოზიციაში ვიყავით, მაგრამ ჯაჭვში ვიდექით. 21-ე საუკუნეა, ამ ტიპის კანონის მიღება უხერხულია. როგორ მოგდით ეგეთი რაღაც თავში?! ეს არის თავისუფალი სიტყვის შელახვა. კომუნიზმის პერიოდში, სადღაც ადრეულ კომუნიზმში ვბრუნდებით აზროვნებით. ძალიან სირცხვილია! წყნარად, მშვიდად, გაიწვიეთ ეს სისულელე, უბედურებაა ეს, არაა კარგი“,- განაცხადა თაკო ჩარკვიანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024