„საქართველოს ბანკის“ ინიციატივით, სოფელ მუხრანში 900 მოსწავლისთვის ახალი იდეათეკა გაიხსნა

„საქართველოს ბანკმა“ სოფელ მუხრანში მდებარე ნიკო ბურის სახელობის სოფელ მუხრანის საჯარო სკოლაში რიგით მე-17 იდეათეკა გახსნა.

ამის შესახებ ინფორმაციას „საქართველოს ბანკი“ ავრცელებს.

ბანკის ცნობით, აღნიშნული იდეათეკა 900 ბავშვისთვის ახალი აღმოჩენებისა და შემეცნების შესაძლებლობებს შექმნის.

„საქართველოს ბანკი“ ახალგაზრდებისთვის განათლების შესაძლებლობების შექმნას აქტიურად განაგრძობს. განსაკუთრებით დიდ ყურადღებას კი, სკოლის მოსწავლეებში მომავლის პროფესიებისა და ზუსტი თუ საბუნებისმეტყველო მეცნიერებისადმი ინტერესის გაღრმავებას უთმობს. სწორედ ამ მიზნით, ბანკი რეგიონის სკოლებში იდეათეკის პროექტს ახორციელებს.

„საქართველოს ბანკის“ იდეათეკა - ეს არის მულტიფუნქციური სივრცე, რომელიც მაღალმთიან, ეთნიკური უმცირესობებით დასახლებულ და საზღვრისპირა სოფლებში მცხოვრებ ახალგაზრდებს შემეცნებისთვის საჭირო ყველა თანამედროვე რესურსზე - მულტიფუნქციურ ბიბლიოთეკებზე, კომპიუტერებსა და პროექტორებზე აძლევს წვდომას. ამასთან, იდეათეკაში არსებული STEM-ის კუთხე მოსწავლეებს STEM (მათემატიკის, ინჟინერიის, ტექნოლოგიებისა და საბუნებისმეტყველო მეცნიერებების) მიმართულებით საბაზისო განათლების მიღების შესაძლებლობით უზრუნველყოფს.

სწორედ ამ მიზნით, წელს „საქართველოს ბანკმა“ სოფელ მუხრანში მდებარე ნიკო ბურის სახელობის სოფელ მუხრანის საჯარო სკოლაში რიგით მე-17 იდეათეკა გახსნა, რომელიც 900 ბავშვისთვის ახალი აღმოჩენებისა და შემეცნების შესაძლებლობებს შექმნის.

„საქართველოს ბანკის“, როგორც მაღალი კორპორაციული სოციალური პასუხისმგებლობის მქონე კომპანიის მთავარი ღირებულება განათლებაა. ჩვენი მიზანია, რაც შეიძლება მეტ ახალგაზრდას ხარისხიან განათლებაზე, თვითგანვითარებისა და შემეცნებისთვის საჭირო ინსტრუმენტზე მივცეთ წვდომა, რაც მათში ზოგადი განათლებისა და STEM მეცნიერებების მიმართ ინტერესის როგორც ჩამოყალიბებას, ასევე გაღრმავებას შეუწყობს ხელს“, - აღნიშნავს „საქართველოს ბანკის“ გენერალური დირექტორი არჩილ გაჩეჩილაძე.

აღსანიშნავია, რომ „საქართველოს ბანკის“ იდეათეკების პროექტი ქართული წიგნის ინსტიტუტთან პარტნიორობით ხორციელდება. თანამშრომლობის ფარგლებში, დღეს იდეათეკები საქართველოს 6 რეგიონის 16 სკოლაში უკვე ფუნქციონირებს. რაც ნიშნავს იმას, რომ ბანკმა 7000-ზე მეტი მოსწავლისთვის შექმნა განათლებისა და თვითგანვითარების შესაძლებლობა.

„ჩვენ კარგად გვესმის, რომ განათლებაზე ხელმისაწვდომობის კონტექსტში, განსაკუთრებით მოწყვლადი მაღალმთიანი, საზღვრისპირა და ეთნიკური უმცირესობებით დასახლებული რეგიონებია. ამიტომ, მიზნად დავისახეთ სწორედ ასეთ სოფლებში მცხოვრები სკოლის მოსწავლეებისთვის შეგვექმნა საკუთარი პოტენციალის არა მხოლოდ გამოვლენის, არამედ მისი მაქსიმალურად ათვისების შესაძლებლობა. ჩვენ კარგად გვესმის, რომ უკეთეს მომავალს განათლება ქმნის. ამიტომ, „საქართველოს ბანკი“ არ ჩერდება და აქტიურად აგრძელებს საგანმანათლებლო პროექტების განხორციელებას“, - აღნიშნავს „საქართველოს ბანკის“ CSR მიმართულების ხელმძღვანელი ანა ლომთაძე.

ინფორმაციისთვის, „საქართველოს ბანკის“ საგანმანათლებლო პროექტების პორტფოლიო მრავალ ინიციატივას ითვლის. მათ შორისაა Chevening-ის, Fulbright-ისა და Miami Ad School Europe-თან თანამშრომლობით შექმნილი ნიკა გუჯეჯიანის სახელობის სასტიპენდიო პროგრამები, ასევე, STEM სკოლა, ეკონომიკის ოლიმპიადა, Kings-ის ოლიმპიადა... სოციალური პასუხისმგებლობის ფარგლებში განხორციელებული საგანმანათლებლო პროექტებით ბანკმა განათლება უკვე 120 000-ზე მეტი ახალგაზრდისთვის გახადა ხელმისაწვდომი. თუმცა, ეს ყველაფერი არ არის. „საქართველოს ბანკი“ არ ჩერდება და განაგრძობს ახალი შესაძლებლობების შექმნას“, - აღნიშნულია ბანკის მიერ გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი