ირაკლი ღარიბაშვილი - მინდა გამოვთქვა იმედი, რომ ჩვენ შიდა და გარე მტრებს მოვუგებთ და ხალხი და ქვეყანა გაიმარჯვებს

მიუხედავად ძალიან ბევრი შიდა თუ გარე მტრისა, რომელიც ეხმარება და პირდაპირ საბოტაჟის რეჟიმში იმყოფება, რომ ქვეყანამ არ მიიღოს კანდიდატის სტატუსი, მინდა გამოვთქვა იმედი, რომ ჩვენ ამ შიდა და გარე მტრებს მოვუგებთ და ხალხი და ჩვენი ქვეყანა გაიმარჯვებს, - ამის შესახებ საქართველოს პრემიერ-მინისტრმა ირაკლი ღარიბაშვილმა ესპანეთში, ჟურნალისტებთან საუბრისას განაცხადა, სადაც მთავრობის მეთაური ევროპული პოლიტიკური გაერთიანების (EPC) რიგით მესამე სამიტში მონაწილეობს.

ამასთან, პრემირმა აღნიშნა, რომ საქართველოს დიდი მნიშვნელობა აქვს საერთაშორისო თანამეგობრებისთვის.

„მე სრულად ვიზიარებ თქვენ შეფასებას. ჩვენს ქვეყანას აქვს დიდი მნიშვნელობა, მნიშვნელობა აქვს ევროპისთვის და ჩვენი საერთაშორისო თანამეგობრობისთვის და მე ვფიქრობ, რომ ჩვენ ქვეყანას არამხოლოდ, როგორც ერთ აღებულ ქვეყანას აქვს მნიშვნელობა, არამედ, როგორც რეგიონში მოთამაშე, ძალიან მნიშვნელოვან აქტორს და ფაქტორს, ასევე, იმიტომ, რომ ჩვენ გვაქვს აბსოლუტურად ჰარმონიული ურთიერთობა ყველა ქვეყანასთან რეგიონში, ეს იქნება აზერბაიჯანი, სომხეთი თურქეთი. ზოგადად „შუა დერეფნის“ განვითარების კონტექსტში, რა თქმა უნდა, ჩვენ ქვეყანას ექნება გადამწყვეტი მნიშვნელობა იმიტომ, რომ ეს პროექტი ვერ შედგება, თუ საქართველო არ იქნება ძლიერი და სტაბილური და არ იქნება ჩვენთან მშვიდობა. ამიტომ, რა თქმა უნდა, ამ ყველა ფაქტორს, გარემოებას დიდი მნიშვნელობა აქვს.

ბოლოს მინდა ვთქვა, რომ მიუხედავად ძალიან ბევრი შიდა მტრისა თუ გარე მტრისა, რომელიც ეხმარება და პირდაპირ საბოტაჟის რეჟიმში იმყოფება, რომ ქვეყანამ არ მიიღოს კანდიდატის სტატუსი, მე მინდა გამოვთქვა ჩემი იმედი, რომ ჩვენ ამ შიდა და გარე მტრებს მოვუგებთ, ხალხი გაიმარჯვებს და ჩვენი ქვეყანა გაიმარჯვებს“, - აღნიშნა ღარიბაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024