ვახტანგ მეგრელიშვილი - კარავი რა შუაშია, ბომბი ჯიბეში რომ ჩავიდო, საშიში არ ვიქნები? ამას ყურადღებას არ მიაქცევთ იმის გამო, რომ ტრანსპორტი ნორმალურად მოძრაობს?

სინამდვილეში თუ იცით, რომ იქ შეიძლება ბომბი იყოს, კარავი რა შუაშია. ბომბი ჯიბეში რომ ჩავიდო, საშიში არ ვიქნები? - ამას ყურადღებას არ მიაქცევთ იმის გამო, რომ ტრანსპორტი ნორმალურად მოძრაობს? - ასე მიმართა „გირჩის“ დეპუტატმა, ვახტანგ მეგრელიშვილმა პარლამენტის პლენარულ სხდომაზე განათლებისა და მეცნიერების კომიტეტის თავმჯდომარეს, გივი მიქანაძეს, სადაც „შეკრებისა და მანიფესტაციების შესახებ“ კანონში შესატანი ცვლილებების კანონპროექტის მეორე მოსმენით განხილვა მიმდინარეობს.

მისივე თქმით, „როგორ შეიძლება, ქართველი ხალხი იმას ვერ მიხვდეს, რომ ადამიანის ქმედებას, რომელიც საფრთხის შემცველია, კონსტრუქციასთან არანაირი კავშირი არ აქვს“.

„ამ დროებით კონსტრუქციაში, ანუ კარავში, მარტივად რომ ვთქვათ, ბომბი რომ იყოს, ბომბი ხომ უკვე საფრთხეა. სინამდვილეში თუ იცით, რომ იქ შეიძლება ბომბი იყოს, კარავი რა შუაშია. ბომბი ჯიბეში რომ ჩავიდო, საშიში არ ვიქნები? ჯიბეში რომ მედოს ბომბი, ამას ყურადღებას არ მიაქცევთ იმის გამო, რომ ტრანსპორტი ნორმალურად მოძრაობს? არ ვიცი, შეიძლება თქვენ ვერ ხვდებით ან არ გინდათ რომ მიხვდეთ მაგრამ, თუ ვინმე გვისმენს, მაგის ამბავი, რომ კონსტრუქციაა საშიში და არა ადამიანის ქმედება, რომელიც საფრთხის შემცველია, ამას კონსტრუქციასთან არანაირი კავშირი რომ არ აქვს, როგორ შეიძლება რომ ქართველი ხალხი ამას ვერ მიხვდეს?“- განაცხადა ვახტანგ მეგრელიშვილმა.

აღნიშნულის საპასუხოდ, განათლებისა და მეცნიერების კომიტეტის თავმჯდომარემ, გივი მიქანაძემ განმარტა, რომ კარავში ბომბის მსგავსი ნივთის ისე შეტანაა შესაძლებელი, რომ საზოგადოებისთვის ხილული არ იყოს, შესაბამისად შესაძლოა, საფრთხე შექმნას.

„რა თქმა უნდა, ბომბი შეიძლება ჯიბეშიც ჩაიდო. არის ბომბის ისეთი სახეობაც, რომელიც ჯიბეში არ ჩაგეტევა, ამაზეც ვთანხმდებით. კარავი ის მოწყობილობაა, სადაც შეიძლება ნებისმიერი მსგავსი ნივთი ისე შეიტანო, რომ ეს საზოგადოებისთვის ხილული არ იყოს და საფრთხე შექმნას. ზუსტად ამაზეა საუბარი. ამ კანონის მიზანი ის არის, რომ რეალური საფუძვლის არსებობის შემთხვევაში, დემონტაჟთან დაკავშირებით იმოქმედოს“, - განაცხადა გივი მიქანაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024