თინა ბოკუჩავა - ვისურვებდი, ოპოზიციურად პოზიციონირებადი პარტიები არ ირჩევდნენ პოლიტიკურ სტრატეგიას, რომ მუდმივად თავს ესხმოდნენ მთავარ ოპოზიციურ პარტიას

ვისურვებდი, ოპოზიციურად პოზიციონირებადი პარტიები არ ირჩევდნენ პოლიტიკურ სტრატეგიას, რომ მუდმივად თავს ესხმოდნენ მთავარ ოპოზიციურ პარტიას, - ასე ეხმიანება „ნაციონალური მოძრაობის“ ფრაქციის თავმჯდომარე თინა ბოკუჩავა პარტია „საქართველოსთვის“ ბრალდებებს, რომ „ნაციონალური მოძრაობა“ და „ქართულ ოცნება“ იმპიჩმენტის საკითხზე ფარულ მოლაპარაკებებს აწარმოებენ.

მისივე თქმით, „ნაციონალური მოძრაობა“ იმპიჩმენტის დროს დარბაზიდან გამოვა და სხვებიც რომ ამ გადაწყვეტილებას იღებდნენ, სპეკულაციას ადგილი აღარ ექნებოდა.

„ამისკენ მოვუწოდებდით სხვებსაც, რომ მერე არავის სჭირდებოდეს ალიბი, ვინ როგორ გააკონტროლა საკუთარი ფრაქციის წევრები თუ საკუთარი თავი. ეს სპეკულაციები რომ არ არსებობდეს, პოლიტიკური, მორალური, პროცესუალური სიცხადისთვის, ჩვენ გამოვდივართ დარბაზიდან და ეს სპეკულაცია საერთოდ არ იარსებებდა და ივანიშვილის ამ ცირკში საერთოდ არ შევიდოდით, ყველა რომ იღებდეს გადაწყვეტილებას დარბაზის დატოვებასთან დაკავშირებით,“ - განაცხადა ბოკუჩავამ.

ის ასევე გამოეხმაურა ნიკა მელიას განცხადებას, რომ „ნაციონალურმა მოძრაობამ“ 7 ოქტომბერს, როცა მან შეკრება დააანონსა, მიხეილ სააკაშვილის მხარდამჭერი აქციის გამართვა დაგეგმა.

ბოკუჩავას თქმით, ლოჯისტიკურ საკითხებში ჩახედული არ არის, თუმცა, ვერანაირ პრობლემას ვერ ხედავს, რომ ერთ დღეს რამდენიმე ღონისძიება იმართებოდეს. რაც შეეხება საკითხს იმის შესახებ, მიიღებს თუ არა მელია პარტიიდან გასვლის გადაწყვეტილებას, ბოკუჩავა აცხადებს, რომ თუ მელიას სურვილია „ნაციონალური მოძრაობიდან“ ასპარეზობა, ამას მიესალმებიან, თუმცა, ვინ როგორ გადაწყვეტილებას მიიღებს, ეს თითოეული ინდივიდის დისკრეციული უფლებაა.

„ერთადერთი შეფასება, რაც შემიძლია ამას მივცე, არის ის, რომ დროა, ნამდვილად ურთიერთდაპირისპირების დასრულების. ასე ვუყურებთ საკითხს, არა მხოლოდ შიდაპარტიულად, არამედ ფართო ოპოზიციურ სპექტრშიც. ჩემი გადმოსახედიდან არავითარი დაპირისპირება არ არსებობს, ყველას აქვს თავისი პოლიტიკური გზა. თუ ნიკა მელიას ან ნებისმიერი სხვა ადამიანის არჩევანია იასპარეზოს პოლიტიკაში მთავარი ოპოზიციური პარტიის პლატფორმიდან, ამას მხოლოდ მივესალმებით, ვთვლით, რომ გამსხვილება არის მნიშვნელოვანი წინასაარჩევნოდ, ამიტომ შევქმენით მათ შორის „გამარჯვების პლატფორმა“, რომლის კარიც არის ღია, მაგრამ, ვინ როგორ გადაწყვეტილებას მიიღებს, ეს თითოეული ინდივიდის დისკრეციული უფლებაა, რომელშიც მე ვერ ჩავერევი,“ - განაცხადა ბოკუჩავამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024