ჯაბა სამუშიამ თსუ-სა და საქსტატს შორის ურთიერთთანამშრომლობის მემორანდუმს მოაწერა ხელი

თბილისის სახელმწიფო უნივერსიტეტის რექტორმა, ჯაბა სამუშიამ და საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ ურთიერთთანამშრომლობის მემორანდუმს მოაწერეს ხელი, რომელიც უნივერსიტეტის სტუდენტების დასაქმების ხელშეწყობას, საქსტატში პრაქტიკის/სტაჟირების გავლასა და კვალიფიკაციის ამაღლებას ითვალისწინებს. ინფორმაციას თბილისის სახელმწიფო უნივერსიტეტი ავრცელებს.

„აღნიშნულ მემორანდუმზე ხელმოწერა პროდუქტიული თანამშრომლობის დასაწყისია, ვინაიდან „საქსტატი“თბილისის სახელმწიფო უნივერსიტეტისათვის ძალიან მნიშვნელოვანი პარტნიორია როგორც კვლევის, ასევე დასაქმების მიმართულებით. ამ თანამშრომლობით ჩვენი სტუდენტებისთვის დიდი პერსპექტივები იშლება. ვფიქრობ, ისინი მოსახლეობის საყოველთაო აღწერის პროექტში ჩაერთვებიან, რომელსაც საქართველოს „სტატისტიკის“ ეროვნული სამსახური ახორციელებს. ამ პროექტში მონაწილეობა ჩვენი სოციოლოგიის, ეკონომიკის მიმართულების სტუდენტებისთვის საინტერესო იქნება კვლევის თვალსაზრისითაც. მათ ეს ინფორმაცია შეუძლიათ მომავალი კვლევის საწყისად გახადონ“, - აღნიშნა ჯაბა სამუშიამ.

ურთიერთშეთანხმების მიზანია, მხარეებმა სტუდენტების კვალიფიკაციის ამაღლებასა და პროფესიული უნარ-ჩვევების გამომუშავებას შეუწყონ ხელი; პრაქტიკული გამოცდილების მიღებას; საქსტატში პრაქტიკის/სტაჟირების გავლას; უნივერსიტეტის სტუდენტების მიერ, პროგრამის ფარგლებში, მიღებული თეორიული ცოდნის პრაქტიკულ განმტკიცებას; სტუდენტებისათვის დარგობრივი კომპეტენციების განმტკიცებას და შესაბამისი უნარების განვითარებას.

„ჩვენ დიდი ხანია უნივერსიტეტთან ვთანამშრომლობთ და ამ მემორანდუმით, ეს თანამშრომლობა კიდევ უფრო გაძლიერდება სტუდენტების სასწავლო პრაქტიკისა და დასაქმების მიმართულებით. ამ ეტაპზე, მოსახლეობის საყოველთაო აღწერის მოსამზადებელი სამუშაოებისთვის 950-ამდე ადამიანის დასაქმებაა დაგეგმილი. უნივერსიტეტის სტუდენტებს გაქვთ შესაძლებლობა, ამ მოქნილ სამუშაო გრაფიკზე დაფუძნებულ სამუშაოს შესრულებაში მიიღოთ მონაწილეობა,“- განაცხადა საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ.

მემორანდუმის თანახმად, უნივერსიტეტი გამოხატავს მზადყოფნას, ხელი შეუწყოს „საქსტატის“ მიერ გამოცხადებულ კონკურსში უნივერსიტეტის სტუდენტთა მონაწილეობას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024