პრემიერი - ის, რომ ქვეყანამ ბოლო 3 წელიწადში მოახერხა მშპ-ის გაორმაგება, აღტაცებას იწვევს ჩვენს ევროპელ კოლეგებში, ყველა არის სასიამოვნოდ გაოცებული

ის, რომ ქვეყანამ ბოლო 3 წელიწადში მოახერხა მშპ-ის გაორმაგება დოლარში, აღტაცებას იწვევს ჩვენს ევროპელ კოლეგებში, ყველა არის სასიამოვნოდ გაოცებული, რომ ქვეყანას აქვს ძალიან ძლიერი ეკონომიკური ზრდა, დაბალი ინფლაცია და ყველა პარამეტრი არის გაუმჯობესებული , - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

პრემიერ-მინისტრის თქმით, მთავრობა გააგრძელებს ბრიუსელთან მუშაობას, ოქტომბრის ბოლოს, ნოემბერში კომისიამ თავისი მოსაზრება უნდა გამოაქვეყნოს სტატუსთან მიმართებაში და მანამდე საქართველოს კიდევ უფრო მეტი პროგრესის ჩვენება შეუძლია.

„მინდა აღვნიშნო, რომ ყველა არის სასიამოვნოდ გაოცებული, რომ ქვეყანას აქვს ძალიან ძლიერი ეკონომიკური ზრდა, ძალიან დაბალი ინფლაცია და ყველა პარამეტრი არის გაუმჯობესებული და ძლიერი. ის, რომ ქვეყანამ ბოლო სამ წელიწადში მოახერხა მთლიანი შიდა პროდუქტის გაორმაგება დოლარში, ეს რა თქმა უნდა, იწვევს აღტაცებას ჩვენს ევროპელ კოლეგებში. ასევე იციან, რომ მშვიდობას და სტაბილურობას აქვს ძალიან დიდი მნიშვნელობა. იციან, რომ მშვიდობის გარეშე არაფერი არ იქნება, რეგიონში იქნება სრული გაუგებრობა. ამ ყველაფერს აფასებენ ჩვენი ევროპელი მეგობრები და კიდევ ვიმეორებ, რომ ჩვენ გავაგრძელებთ მათთან კომუნიკაციას, გვექნება მუშაობა ბრიუსელთან, მჭიდრო მუშაობა. ოქტომბრის ბოლოს, ნოემბერში ველოდებით რეკომენდაციას, კომისიამ უნდა გამოაქვეყნოს ოფიციალურად მისი მოსაზრება სტატუსთან მიმართებაში და მე ვფიქრობ, რომ მანამდე ჩვენ კიდევ უფრო მეტი პროგრესის ჩვენება შეგვიძლია", - განაცხადა ირაკლი ღარიბაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024