7 ოქტომბერს ღვინის მუზეუმი დამთვალიერებლებს უფასოდ უმასპინძლებს - შეთავაზება დროის კონკრეტულ ინტერვალებზე გავრცელდება

7 ოქტომბერს „ქართული ღვინის ფესტივალზე“ მისულ სტუმრებს 14:00-დან 15:00 საათამდე და 17:00-დან 18:00 საათამდე ღვინის მუზეუმი უფასოდ უმასპინძლებს.

დამთვალიერებლები მუზეუმში იხილავენ ღვინის უძველეს ნიმუშებს, ჭურჭელსა და სხვა არტეფაქტებს, დაათვალიერებენ მისტიკურ სივრცეებს და მოისმენენ ისტორიებს საინტერესო აღმოჩენების შესახებ.

ღვინის მუზეუმი მდებარეობს სიონის ქუჩაზე, სადაც უკვე მეხუთე წელია, „ქართული ღვინის ფესტივალი“ ათასობით სტუმარს მასპინძლობს. ტრადიციულად, ფესტივალზე წარმოდგენილი იქნება ათობით ღვინის სახეობა და უმაღლესი ხარისხის სხვა ადგილობრივი წარმოების პროდუქტები: პური, ყველი, ჩურჩხელა, თაფლი და სხვა. ღონისძიება მოიცავს გამოფენა-გაყიდვასა და დეგუსტაციას.

წელს, ღვინის მუზეუმში უფასო ვიზიტის გარდა, სტუმრებს კიდევ ერთი სიახლე ელოდებათ: შეხვედრა პროფესიონალ სომელიესთან, WSET 3-ის კურსდამთავრებულ თეონა თოხაძესთან, რომელიც ჩაატარებს მასტერკლასს თემაზე „დეგუსტაციის ხელოვნება და ყნოსვის ტრენინგი“. აღნიშნული მასტერკლასი ღვინის მუზეუმში 15:00 საათზე გაიმართება და მასზე დასწრება თავისუფალია.

ფესტივალი მთელი დღის განმავლობაში დატვირთული იქნება მრავალფეროვანი გასართობი პროგრამით, რომელიც გათვლილია როგორც ბავშვებისთვის, ისე უფროსებისთვის. შესაძლებელი იქნება ცოცხალი მუსიკის მოსმენა, როგორც ფოლკლორული ანსამბლების, ასევე ბენდების.

„ქართული ღვინის ფესტივალი“ სიონის ქუჩაზე, 12:00 საათზე გაიხსნება და 20:00 საათამდე გაგრძელდება. დასწრება თავისუფალია.

#ღვინისფესტივალი

#ღვინო

#ქართულიღვინისფესტივალი

(R)

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024