მიხეილ კალანდია - საპატიმროში დავამთავრე იურიდიული ფაკულტეტი და ერთი ნაბიჯით მივუახლოვდი პროკურორობას - შევისწავლე ფრანგული ენაც, რათა სტრასბურგის სასამართლოში საკუთარი თავი დავიცვა

დავამთავრე იურიდიული ფაკულტეტი და კიდევ ერთი ნაბიჯით მივუახლოვდი პროკურორობას - ასევე, შევისწავლე ფრანგული ენა, რათა ადამიანის უფლებათა ევროპულ სასამართლოში საკუთარი თავის დაცვა შევძლო, - ამის შესახებ დავით სარალიძის მკვლელობის საქმეზე მსჯავრდებულ მიხეილ კალანდიას მიერ „ინტერპრესნიუსისთვის“ გამოგზავნილ წერილშია აღნიშნული.

როგორც მსჯავრდებული აცხადებს, გისოსებს მიღმა მისი ცხოვრება სხვა მსჯავრდებულების ცხოვრებისგან არ განსხვავდება.

„გისოსებს მიღმა ჩემი ცხოვრება არაფრით განსხვავდება სხვა მსჯავრდებულების ცხოვრებისგან. დავამთავრე იურიდიული ფაკულტეტი და კიდევ ერთი ნაბიჯით მივუახლოვდი პროკურორობას, შესაბამისად, ამ „დაბინძურებული“ სისტემის შეცვლას. ასევე, შევისწავლე ფრანგული ენა, რათა ფრანგულად შევძლო საკუთარი თავის დაცვა ადამიანის უფლებათა ევროპულ სასამართლოში“, - აცხადებს კალანდია.

ამასთან, კალანდიას განცხადებით, მისი სისხლის სამართლის საქმის არსებობა დიდი დარღვევაა, რადგან „პოლიტიკური დაკვეთით დააკავეს“.

„ჩემი სისხლის სამართლის საქმე უკვე გაგზავნილია ადამიანის უფლებათა ევროპულ სასამართლოში და ველოდებით, თუ როდის დაიწყება საქმის განხილვა. რაც შეეხება დარღვევებს, აღნიშნული სისხლის სამართლის საქმის არსებობა უკვე უდიდესი დარღვევა არის, ვინაიდან ჩემი დაკავება არ გამოუწვევია მტკიცებულებების არსებობას, ჩემი დაკავება გამოიწვია პოლიტიკურმა დაკვეთამ, შესაბამისად, მთელი საქმის მსვლელობისას არ ყოფილა არც ერთი წამი, რომელიც დარღვევა არ იქნებოდა. დაირღვა სამართლიანი სასამართლოს უფლება, დაირღვა უშუალობის პრინციპი, შემელახა ღირსება, მომადგა მორალური და რეპუტაციული ზიანი, თავისუფლება აღმეკვეთა უკანონოდ წლობით და ა.შ. მე მგონი ერთ სისხლის სამართლის საქმეზე საკმარისია“, - აცხადებს კალანდია.

სარალიძისა და ლევან დადუნაშვილის სიცოცხლე ემსხვერპლა. სამართალდამცავებმა დავით სარალიძის განზრახ ჯგუფურად მკვლელობისთვის გიორგი ჯანაშია, მიხეილ კალანდია და გიორგი მენაბდე დააკავეს.

მიხეილ კალანდიას ქვეყნის სამივე ინსტანციის მიერ 11 წელითა და 3 თვის ვადით აქვს პატიმრობა მისჯილი, გიორგი მენაბდეს 10 წლითა და 6 თვის ვადით.

რაც შეეხება გიორგი ჯანაშიას, მან პენიტენციური დაწესებულება დატოვა. მას საპროცესო შეთანხმების საფუძველზე 4 წლით თავისუფლების აღკვეთა ჰქონდა შეფარდებული. ჯანაშია ე.წ. უდოს კომისიამ გაათავისუფლა.

დავით სარალიძესთან ერთად მოკლული მოზარდის, ლევან დადუნაშვილის საქმეზე სასჯელს გუგა ბარბაქაძე იხდის. მას თავისუფლების აღკვეთა 11 წლითა და 3 თვის ვადით აქვს მისჯილი.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი