თინა ბოკუჩავა „საქართველოსთვის“ წევრების განცხადებებზე - ყველაფერს უნდა ვაკეთებდეთ, რომ მნიშვნელოვან საკითხებზე კაკაფონია არ ისმოდეს - მოვუწოდებ, თავი დაანებონ ბინძურ სპეკულაციებს

ყველაფერს უნდა ვაკეთებდეთ, რომ მნიშვნელოვან საკითხებზე კაკაფონია არ ისმოდეს - მოვუწოდებ თავი დაანებონ ბინძურ სპეკულაციებს, - ასე ეხმიანება პარტია „საქართველოსთვის“ წევრების ბრალდებებს ფრაქციის „ნაციონალური მოძრაობა - გაერთიანებული ოპოზიცია- ძალა ერთობაშია" თავმჯდომარე თინა ბოკუჩავა.

მისივე თქმით, „უსაფუძვლო ტყუილების გავრცელება ძალიან ჰგავს „ქართული ოცნების“ ხელწერას და ნუ დაემსგავსებიან „ოცნებას“ მათი საერთო, ახლო წარსულის მიუხედავად“.

„მე მაინც დიპლომატიური ვიქნები ბინძურ პროპაგანდაზე კომენტირებისას, რადგან არ ვთვლი ოპოზიციაში ურთიერთდაპირისპირებას პროდუქტიულად ქვეყნის მომავლისთვის და ევროპული მისწრაფებებისთვის. ახლა ყველა ვინც საკუთარ თავს პროევროპელ ოპოზიციონერად თვლის, ყველაფერს უნდა ვაკეთებდეთ, რომ მნიშვნელოვან საკითხებზე არ ისმოდეს კაკაფონია და ურთიერთთავდასხმა, არამედ ერთიანი ფრინტის შთაბეჭდილება ექმნებოდეთ ევროპელ პარტნიორებს და ოპოზიციურად განწყობილ მოქალაქეებს საქართველოში. ამიტომ ვიქნები დიპლომატიური და მოვუწოდებ თავი თავი დაანებონ ამგვარ ბინძურ სპეკულაციებს, რომელიც სრულიად უსაფუძვლოა“, - განაცხადა ბოკუჩავამ.

ინფორმაციისთვის, გუშინ მიხეილ დაუშვილმა განაცხადა, რომ იმპიჩმენტის საკითხზე „ქართულ ოცნებასა“ და „ნაციონალურ მოძრაობას“ შორის ფარული მოლაპარაკებები მიმდინარეობს. დღეს კი ანა ბუჩუკურმა განაცხადა, რომ მათ ბევრი აქვთ სავაჭრო და საერთო ბიზნესინტერესებიც აქვთ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024