აფხაზეთის განათლებისა და კულტურის სამინისტროში მასწავლებლის საერთაშორისო დღე აღინიშნა

აფხაზეთის ავტონომიური რესპუბლიკის მთავრობის ორგანიზებით, მასწავლებლის საერთაშორისო დღესთან დაკავშირებით, აფხაზეთის განათლებისა და კულტურის სამინისტროში ღვაწლმოსილი პედაგოგები, აფხაზეთის საჯარო სკოლების მედალოსანი კურსდამთავრებულები და აფხაზეთიდან დევნილი, წარჩინებული სტუდენტები დაჯილდოვდნენ.

აფხაზეთის ავტონომიური რესპუბლიკის მთავრობის ინფორმაციით, ღონისძიება მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და აფხაზეთის ავტონომიური რესპუბლიკის განათლებისა და კულტურის მინისტრმა ნანა გაბელიამ გახსნეს, რომლებიც პედაგოგებს მიესალმნენ, პროფესიული დღე მიულოცეს და სიგელები და საჩუქრები პირადად გადასცეს.

მათივე ცნობით, ღონისძიების ფარგლებში, ასევე მედალოსანი კურსდამთავრებულები და სამინისტროს სტიპენდიატები დაჯილდოვდნენ, რომელთაც დიპლომები, წიგნები და შესაბამისი სერტიფიკატები გადაეცათ.

როგორც ინფორმაციაშია აღნიშნული, აფხაზეთის განათლებისა და კულტურის სამინისტროს განათლების ხელშეწყობის პროგრამის ფარგლებში შეხვედრები აფხაზეთიდან დევნილ ღვაწლმოსილ პედაგოგებთან, აფხაზეთის საჯარო სკოლების კურსდამთავრებულებთან და აფხაზეთიდან დევნილ წარჩინებულ სტუდენტებთან ყოველწლიურად იმართება.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი