2024 წელს საქართველო საქმიანი ტურიზმის საერთაშორისო ფორუმს „m&i Tbilisi 2024“ მასპინძლობს, - ამის შესახებ ინფორმაციას ტურიზმის ეროვნული ადმინისტრაცია ავრცელებს.

ტურისტული სექტორისთვის ღონისძიების მნიშვნელობაზე საუბრისას ქლიქ ჰოლდინგის დამფუძნებელი მარიამ ყუბუსიძე აღნიშნავს, რომ აღნიშნული ფორუმი შესანიშნავი შესაძლებლობაა, რომ საქართველო მსოფლიო საქმიანი ტურიზმის რუკაზე პოზიციონირდეს.

“აღნიშნული ფორუმი მნიშვნელოვანია იმ კუთხით, რომ ეს შესანიშნავი შესაძლებლობაა საქართველოსთვის პოზიციონირდეს მსოფლიო საქმიანი ტურიზმის რუკაზე. ქვეყანას აქვს შესაძლებლობა მონაწილე 110 მაღალ შემსყიდველ უნარიანი ევროპული კომპანიების წარმომადგენლებს გააცნონ საქართველო, მისი შესაძლებლობები არა მარტო დასვენების არამედ საქმიანი ტურიზმის მხრიდანაც“,-აცხადებს ყუბუსიძე.

მარიამ ყუბუსიძის თქმით, კერძო სექტორის წარმომადგენლები საერთაშორისო კომპანიებთან პარტნიორულ ურთიერთობებს დაამყარებენ.

„ქართულ კომპანიებს შესაძლებლობა ექნებათ B2B ფორმატში 40-ზე მეტ მაღალ შემსყიდველ უნარიან ე.წ ბაიერებს შეხვდნენ, დაამყარონ მათთან პარტნიორული ურთიერთობა მომავალში საინტერესო და მაღალ ბიუჯეტური ღონისძიებების საქართველოში მოზიდვის და ჩატარების მიზნით”, - აღნიშნა მარიამ ყუბუსიძემ.

გავრცელებული ინფორმაციით, საქმიანი ტურიზმის საერთაშორისო ფორუმზე საქართველოს 4 დღის განმავლობაში ევროპიდან და დიდი ბრიტანეთიდან 100-ზე მეტი ბიზნეს-ტურიზმის სფეროში მოღვაწე (ე.წ Buyer) ორგანიზაციების წარმომადგენლები და მსხვილი ტურისტული კომპანიები ეწვევიან.