„თეგეტა ჰოლდინგს“ აზიის განვითარების ბანკის დელეგაცია ეწვია

აზიის განვითარების ბანკი „თეგეტა ჰოლდინგთან“ გრძელვადიან თანამშრომლობას გეგმავს - ამის შესახებ ინფორმაციას „თეგეტა“ ავრცელებს.

მათივე ცნობით, „თეგეტა ჰოლდინგს“ აზიის განვითარების ბანკის კერძო სექტორის ოპერაციების დეპარტამენტის გენერალური დირექტორი ეწვია. სიუზან გაბური, ADB-ის წარმომადგენლებთან ერთად, „თეგეტა ჰოლდინგის“ სათავო ოფისის ინფრასტრუქტურას გაეცნო და შეხვედრა გამართა კომპანიის აღმასრულებელ დირექტორთან. ოფიციალურ შეხვედრაზე „თეგეტა ჰოლდინგისა“ და აზიის განვითარების ბანკის თანამშრომლობაზე ისაუბრეს. განიხილეს სამომავლო გეგმებიც და გრძელვადიანი პროექტები, რომლებიც პარტნიორობას არაერთი მიმართულებით ითვალისწინებს. ავტოინდუსტრიის ლიდერი კომპანია, საერთაშორისო საფინანსო ორგანიზაციასთან ერთად, მსხვილ პროექტზე მუშაობს, რაც მწვანე საავტომობილო ეკოსისტემის განვითარებას გულისხმობს.

„თეგეტა ჰოლდინგის“ აღმასრულებელი დირექტორი ვახტანგ კაჭარავა აღნიშნავს, რომ ახლახან „თეგეტა ჰოლდინგმა“ მწვანე ობლიგაციები გამოუშვა, ემისიის მოსამზადებელ ეტაპზე კი ჩარჩო შეიმუშავა, სადაც, გაწერილ ვალდებულებებთან ერთად, ეკოლოგიურად სუფთა გარემოს ხელშეწყობაზეც არის საუბარი.

„თეგეტა ჰოლდინგისთვის“ საერთაშორისო საფინანსო ორგანიზაციასთან თანამშრომლობა განსაკუთრებით მნიშვნელოვანია. ჩვენ აზიის განვითარების ბანკთან ხანგრძლივი პარტნიორობა გვაკავშირებს. ახლა კი განვიხილავთ მასშტაბურ პროექტებს, გრძელვადიან პროგრამებს, რომლებიც ელექტრომანქანების ეკოსისტემის განვითარებას ითვალისწინებს საქართველოში, კავკასიასა და ცენტრალურ აზიაში. „თეგეტა ჰოლდინგი“ პროგრესსა და განვითარებაზე ორიენტირებული კომპანიაა და ავტოინდუსტრიაში ინოვაციური პროექტებით გამოირჩევა. ჩვენ ხშირად ვქმნით პრეცედენტებს და ამის არაერთი მაგალითი გვაქვს. სულ ახლახან „თეგეტა ჰოლდინგმა“ მწვანე ობლიგაციები გამოუშვა, ემისიის მოსამზადებელ ეტაპზე კი ჩარჩო შეიმუშავა, სადაც, გაწერილ ვალდებულებებთან ერთად, სწორედ ეკოლოგიურად სუფთა გარემოს ხელშეწყობაზეც არის საუბარი“, - აღნიშნა ვახტანგ კაჭარავამ.

გავრცელებული ინფორმაციით, „თეგეტა ჰოლდინგს“ ADB-სთან პარტნიორობის გამოცდილება უკვე აქვს. 2023 წლის ივლისში ჰოლდინგმა 20 000 000 ლარის მწვანე ობლიგაციები ეროვნულ ვალუტაში სწორედ აზიის განვითარების ბანკის ინვესტიციით გამოუშვა. საერთაშორისო საფინანსო ინსტიტუტმა ჰოლდინგში პირდაპირი უცხოური ინვესტიცია განახორციელა. ობლიგაციების ემისიის შედეგად მობილიზებული თანხა მთლიანად მწვანე პროექტებს მოხმარდება, რაც მდგრადი განვითარების მიმართ "თეგეტას" გრძელვადიან ინტერესს უსვამს ხაზს.

თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე, კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას“ 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. „თეგეტა“ ექსკლუზიურად წარმოადგენს ცნობილ ბრენდებს: Porsche, Volvo, Toyota, Mazda.

სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB და სხვები. „თეგეტა“ მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. მათ შორისაა Bridgestone, Michelin, Varta, Bosch, Shell, Motul, Pirelli და სხვები. „თეგეტა ჰოლდინგი“, 3000-ამდე თანამშრომლით, დღეს საქართველოში ერთ-ერთი უმსხვილესი დამსაქმებელია", - აღნიშნულია „თეგეტას“ მიერ გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი