ირაკლი კობახიძის განცხადებით, დეოლიგარქიზაციის სამოქმედო გეგმის შესახებ რეკომენდაციებს ევროკომისიიდან ელოდებიან, რის შემდეგაც ის საბოლოო სახით დამტკიცდება

„ქართული ოცნების“ თავმჯდომარის, ირაკლი კობახიძის განცხადებით, დეოლიგარქიზაციის სამოქმედო გეგმის შესახებ რეკომენდაციებს ევროკომისიიდან ელოდებიან, რის შემდეგაც ის საბოლოო სახით დამტკიცდება.

ამასთან, კობახიძემ განმარტა, რატომ არ მიიღო აღნიშნული გეგმა შესაფასებლად ვენეციის კომისიამ. მისი თქმით, ვენეციის კომისია მხოლოდ კანონპროექტებზე მსჯელობს.

„თხოვნა იყო, რომ მესამე მოსმენისას დეოლიგარქიზაციის შესახებ კანონი ჩაგვეგდო, რაც ბოლომდე შევასრულეთ, ჩავაგდეთ. მეორე რეკომენდაცია იყო, რომ გაგვეგზავნა დეოლიგარქიზაციის სამოქმედო გეგმის პროექტი ევროკომისიაში და ვენეციის კომისიაში. ორივეგან გავაგზავნეთ. თავიდანვე გავიკვირვეთ, რა ესაქმებოდა ამ დოკუმენტს ვენეციის კომისიაში, რადგან ვენეციის კომისია მხოლოდ კანონპროექტებზე მსჯელობს და რა შუაში იყო სამოქმედო გეგმა. საგანგებოდ, პარლამენტის თავმჯდომარის კაბინეტი დაუკავშირდა ევროკომისიაში პარტნიორებს, დააზუსტა, მართლა ითხოვდნენ თუ არა ამის გაგზავნას ვენეციის კომისიაში. როცა დასტური მივიღეთ, აბსურდი იყო, მაგრამ გავაგზავნეთ. ვენეციის კომისიიდან მივიღეთ ლოგიკური პასუხი, რომ ვენეციის კომისიაში სამოქმედო გეგმას არაფერი ესაქმებოდა, რაც თავიდანვე ვიცოდით.

ეს სამოქმედო გეგმა გაგზავნილია ევროკომისიაში, მათგან ველოდებით რეკომენდაციებს და ამის საფუძველზე დამტკიცდება საბოლოო სახით სამოქმედო გეგმა. შესაბამისად, ეს პუნქტი თავიდან ბოლომდე შესრულებული იქნება, როგორც კი რეკომენდაციებს მივიღებთ და როგორც კი დამტკიცდება სამოქმედო გეგმა“, - განაცხადა ირაკლი კობახიძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი