„რედისონ ბლუ ივერიის“ წარმომადგენელი სოფო მესხი - M&I ფორუმს შეუძლია დიდი წარმატება მოუტანს მთელს ქვეყანას და ჩვენს ინდუსტრიას

2024 წელს საქართველო საქმიანი ტურიზმის საერთაშორისო ფორუმის „m&i Tbilisi 2024“ მასპინძელი იქნება. ღონისძიების ფარგლებში კერძო სექტორის წარმომადგენლებს საშუალება ექნებათ საქმიანი კონტაქტები დაამყარონ საერთაშორისო კომპანიებთან.

ამის შესახებ ინფორმაციას ტურიზმის ეროვნული ადმინისტრაცია ავრცელებს.

„ძალიან სასიხარულო და მნიშვნელოვანი ამბავია ის რომ M&I ფორუმს 2024 წელს თბილისი უმასპინძლებს. ამ ღონისძიებას შეუძლია დიდი წარმატება მოუტანს მთელს ქვეყანას და ჩვენს ინდუსტრიას.

პირადად ნამყოფი ვარ M&I- Forum-ზე ესპანეთში, ის გამოირჩევა ორგანიზების უმაღლესი ხარისხით, საერთაშორისო აღიარებით და დამსწრე მაღალი დონის კომპანიებით, ეს არის ფორმატი რომელსაც მთელი მსოფლიოს წამყვანი სააგენტოები და ივენთ კომპანიები ესწრებიან, შესანიშნავი პლატფორმა და შესაძლებლობა ქვეყნის, რეგიონის, სასტუმროების თუ სხვადასხვა გამოცდილების შესახებ ინფორმაციის გაზიარების და ახალი პარტნიორების მოძიების“, - აცხადებს „რედისონ ბლუ ივერიის“ წარმომადგენელი.

სოფო მესხის თქმით, მასშტაბური ღონისძიება ხელს შეუწყობს ახალი კავშირების დამყარებას პოტენციურ პარტნიორებთან.

„დარწმუნებული ვარ ღონისძიების საქართველოში ჩატარება დიდ დადებით ეფექტს მოუტანს ტურიზმის ინდუსტრიას, ქვეყანა მოიზიდავს უფრო მეტ MICE სააგენტოს, მეტ მოგზაურს და თბილისში მასპინძლობა კიდევ ერთხელ დაარწმუნებს თითოეულ მონაწილეს თუ რამდენად საინტერესო, გამორჩეული და უსაფრთხოა ჩვენი ქვეყანა.

მჯერა ბევრი საინტერესო ევროპული, ამერიკული და აზიური საქმიანი ტურიზმის წარმომადგენელი ეწვევა თბილისს 2024 წელს, და შევძლებთ ახალი საქმიანი კავშირების დამყარებას,“ - განაცხადა სოფო მესხმა.

გავრცელებული ინფორმაციით, საქმიანი ტურიზმის საერთაშორისო ფორუმზე საქართველოს 4 დღის განმავლობაში ევროპიდან და დიდი ბრიტანეთიდან 100-ზე მეტი ბიზნეს-ტურიზმის სფეროში მოღვაწე (ე.წ Buyer) ორგანიზაციების წარმომადგენლები და მსხვილი ტურისტული კომპანიები ეწვევიან.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი