სოლომონ პავლიაშვილი გაწეული განსაკუთრებული დამსახურებისთვის, საქართველოს ტექნიკური უნივერსიტეტის აკადემიურმა საბჭომ „ოქროს მედლით“ დააჯილდოვა

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი საქართველოს ტექნიკური უნივერსიტეტის წინაშე გაწეული განსაკუთრებული დამსახურებისთვის „ოქროს მედლით“ დაჯილდოვდა.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, სოლომონ პავლიაშვილმა, დაჯილდოების საზეიმო ღონისძიებაზე, სიტყვით გამოსვლისას, საქართველოს ტექნიკური უნივერსიტეტის რექტორს დავით გურგენიძეს და უნივერსიტეტის აკადემიურ საბჭოს მადლობა გადაუხადა.

„დღეს ჩემთვის ძალიან მნიშვნელოვანი დღეა. ნებისმიერი ჩემი წარმატება - სამეცნიერო, კვლევითი, პოლიტიკური, დაკავშირებულია საქართველოს ტექნიკურ უნივერსიტეტთან. ძალიან დიდი მადლობა დაფასებისთვის“, - განაცხადა სოლომონ პავლიაშვილმა.

„აღსანიშნავია, რომ სოლომონ პავლიაშვილი აქტიურ სამეცნიერო საქმიანობას ეწევა; 1986 წლიდან მოღვაწეობს საქართველოს ტექნიკურ უნივერსიტეტში, არის საქართველოს მეცნიერებათა ეროვნული აკადემიის აკადემიკოსი. გარემოს დაცვისა და სოფლის მეურნეობის მინისტრის მოადგილის სამეცნიერო საქმიანობის ძირითად სფეროებს წარმოადგენს: მიკროეკონომიკა, მაკროეკონომიკა, აგრარული მეცნიერება, აგროეკოსისტემების მდგრადობა, გარემოს დაცვა, ნარჩენების მართვა, ცირკულარული ეკონომიკა, ეკონომიკის მდგრადი განვითარება.

სოლომონ პავლიაშვილს გამოქვეყნებული აქვს 16 მონოგრაფია, 100-ზე მეტი სამეცნიერო ნაშრომი სხვადასხვა ქვეყანაში; აქტიურად მონაწილეობს საერთაშორისო კონფერენციებში, არის საქართველოში ცირკულარული ეკონომიკის პრინციპების დანერგვის კოორდინატორი“, - აღნიშნულია გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი