ლევან ბეჟაშვილი - ირაკლი კობახიძის განცხადება მოდელირებულ ქრონიკას ჰგავს და ამ მხრივ სერიოზული პანიკა და სერიოზული განცხადების გაკეთება არ მიმაჩნია მართლზომიერად

ირაკლი კობახიძის განცხადება მოდელირებულ ქრონიკას ჰგავს და ამ მხრივ სერიოზული პანიკა და სერიოზული განცხადების გაკეთება არ მიმაჩნია მართლზომიერად, - ამის შესახებ “ერთიანი ნაციონალური მოძრაობის” პოლიტსაბჭოს თავმჯდომარემ, ლევან ბეჟაშვილმა განაცხადა, რითაც „ქართული ოცნების“ თავმჯდომარის, ირაკლი კობახიძის შემდეგ განცხადებას გამოეხმაურა: “გადავწყვიტეთ, შეკრებების შესახებ კანონში ცვლილებები არ გავუგზავნოთ პრეზიდენტს ხელმოსაწერად - კანონი პრეზიდენტის ხელმოწერის გარეშე, დაუყოვნებლივ შევა ძალაში”.

ლევან ბეჟაშვილის თქმით, ირაკლი კობახიძის განცხადება საკონსტიტუციო სასამართლოზე მიმდინარე დავის გამოძახილია.

“მგონი, საქმე გვაქვს მოდელირებულ ქრონიკასთან და ასეთ არასერიოზულ განცხადებაზე, სერიოზული პასუხი რთულია. კონსტიტუციაში ნათლად არის განსაზღვრული ხელმოწერის პროცედურა, რომ საკანონმდებლო საქმიანობას წარმართავს პარლამენტი, საკანონმდებლო საქმიანობაში საბოლოო როლი ეკუთვნის პრეზიდენტს რომ ხელი მოაწეროს, თუ ხელს არ აწერს მაშინ ხდება ვეტოს პროცედურა, თუ ვეტო დაიძლევა და პრეზიდენტი არ მოაწერს ხელს, შემდეგ პარლამენტის თავმჯდომარე აწერს ხელს და ის შედის ძალაში. ეს განცხადება მოდელირებულ ქრონიკას ჰგავს და ამ მხრივ სერიოზული პანიკა და სერიოზული განცხადების გაკეთება არ მიმაჩნია მართლზომიერად. ალბათ, უფრო გამოძახილია იმ დავისა სტატუსი თუ უფლებამოსილება, ამის გამიჯვნა და ინტერპრეტაციით ხდება ახლა ამ თემის წამოწევა. არ ვფიქრობ, რომ ამ შემთხვევაში რაღაც სერიოზულ ვითარებასთან გვაქვს საქმე. მოდელირებული ქრონიკა დავარქვათ ამ კაზუსს“, - განაცხადა ლევან ბეჟაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი