გიგი წერეთელი ოჩამჩირეში რუსული ბაზის განთავსებაზე - რუსეთის სტრატეგიული ამოცანაა, საქართველო მისი გავლენის სფეროში დარჩეს, საქართველოს ხელისუფლების პოლიტიკა კი ამას ეხმარება

„ევროპული საქართველოს“ პოლიტსაბჭოს თავმჯდომარე, გიგი წერეთელი საოკუპაციო რეჟიმის წარმომადგენლის, ასლან ბჟანიას მიერ ოჩამჩირეში რუსული ბაზის განთავსებაზე გაკეთებულ განცხადებას ეხმაურება.

როგორც გიგი წერეთელმა აღნიშნა, რუსეთის მთავარი სტრატეგიული ამოცანა გაცხადებულად არის ის, რომ საქართველო მისი გავლენის სფეროში დარჩეს.

მისივე თქმით, რუსეთი ამისთვის ყველაფერს აკეთებს და ამ ეტაპზე დიდად არც სჭირდება რაიმე სამხედრო პროვოკაციის მოწყობა, რადგან ამას კარგად ახერხებს რბილი ძალით, რისთვისაც ხშირად კმაყოფილებასაც გამოხატავს ჩვენი ხელისუფლების მიმართ.

„ოჩამჩირეში ახალი სამხედრო ბაზის გაჩენა არის კიდევ ერთი დადასტურება იმისა, რომ ამასთან დაკავშირებით მიმდინარეობს ჩამოყალიბებული, სტრატეგიული მუშაობა იმისთვის, რომ მაქსიმალურად გაძლიერდეს რუსეთის გავლენები საქართველოში.

რას უნდა აკეთებდეს საქართველო ამის საპირისპიროდ, როცა სეპარატისტული რეჟიმები თვითონვე აცხადებენ, რომ 24 საათი მუშაობენ საკუთარი გეგმების შესასრულებლად?! - ადეკვატური მოქმედების ნაცვლად, ჩვენი ხელისუფლება რესურსებს ახმარს შიდა ბრძოლას, ოპოზიციასთან დაპირისპირებას, პრეზიდენტის იმპიჩმენტს, ანტიდასავლურ კამპანიას და ამით ბუნებრივია, აძლიერებს რუსეთის პოზიციებს”, - აღნიშნა გიგი წერეთელმა.

მისივე თქმით, ხელისუფლება ყველგან ნატო-სთან დაახლოებაზე უნდა საუბრობდეს და ამისთვის მოქმედებდეს, რადგან რუსეთის ერთადერთ შემაკავებელ კონტრძალას ის წარმოადგენს.

„რატომ არ იჭრება რუსეთში პოლონეთში ან ბალტიისპირეთში? მხოლოდ და მხოლოდ იმიტომ, რომ იქ არის ძალა და ეს ძალა არის ნატო”, - განაცხადა გიგი წერეთელმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი