თეონა აქუბარდია - შესაძლებელია, „ქართული ოცნება“ მხოლოდ საკონსტიტუციო სასამართლოს გადაწყვეტილებით შემოიფარგლოს და იმპიჩმენტის პროცესი პარლამენტში აღარ გააგრძელოს - არ მგონია, ურჩი პრეზიდენტის მოთვინიერება გამოუვიდეთ

ოპოზიციონერი დეპუტატი თეონა აქუბარდია მიიჩნევს, რომ საპარლამენტო უმრავლესობამ პრეზიდენტის იმპიჩმენტის პროცესი შესაძლოა პარლამენტში აღარ გააგრძელოს და მხოლოდ საკონსტიტუციო სასამართლოს გადაწყვეტილებით შემოიფარგლოს.

აქუბარდიას განმარტებით, ამ მოსაზრებას ამტკიცებს ისიც, რომ გრანადაში შეხვედრებზე როგორც ჩანს პრემიერ ღარიბაშვილს მკაცრად აუხსნეს იმპიჩმენტის პროცესის უარყოფითი გავლენა ევროინტეგრაციის პროცესზე.

გარდა ამისა, აქუბარდიას თქმით, „ქართული ოცნება“ არ მოინდომებს არც რეპუტაციის დაზიანებას და პარლამენტში იმპიჩმენტის პროცესის ჩავარდნა სწორედ ირაკლი კობახიძის პირადი იქნება.

„მას შემდეგ რაც პრემიერი ღარიბაშვილი გამოდგა და შეურაცხმყოფელი ტონით მჩაგვრელობაზე ისაუბრა ევროკავშირის და თქვა, რომ მან მიიღო დაპირება სტატუსთან დაკავშირებით, აბსოლუტურად საპირწონე განცხადება მოვისმინეთ ჩვენ, მათ შორის, შარლ მიშელისგან, ურსულა ფონ დერ ლაიენისგან, როდესაც საქართველოს მოუწოდებენ რეფორმების განხორციელებისკენ.

რაც ნიშნავს იმას, რომ რეფორმები არ არის შესრულებული, არ არის დაკმაყოფილებული და ამას სჭირდება მუშაობა. ამის ნაცვლად, ჩვენ ვხედავთ, პრეზიდენტის იმპიჩმენტზე პრემიერის ბოდიშებს. ცდილობს, აუხსნას ევროკავშირის ლიდერებს, თუ რასთან აქვს საერთო საქმე საქართველოს სახით ევროკავშირს და ამ მოცემულობაში, მთელი ეს პროცესი არის მცდელობა „ქართული ოცნების“ მხრიდან, საბოტაჟი აუწიონ ქვეყნის კანდიდატის სტატუსს, მიუხედავად იმისა, რომ კონსტიტუციით ვალდებულები არიან ყველა ღონე იხმარონ ამისთვის. პრემიერის განცხადებები უფრო არის შიდა აუდიტორიაზე გათვლილი და კიდევ უფრო ანტიდასავლური რიტორიკის მატარებელი, ვიდრე ეს აქამდე იყო. მე ვფიქრობ, შესაძლებელია, რომ სიტუაცია შეიცვალოს, გამომდინარე პრემიერის ბოდიშებიდან იმპიჩმენტის პროცედურასთან დაკავშირებით. მას მოუწია თავის მართლება, მათ შორის, საფრანგეთის პრეზიდენტთან, ევროკავშირის სხვა ლიდერ ქვეყნებთან. შესაძლებელია, „ქართული ოცნება“ ეცადოს, რომ მხოლოდ და მხოლოდ საკონსტიტუციო სასამართლოს გადაწყვეტილებით შემოიფარგლოს და საერთოდ არ შემოიტანოს ის პარლამენტში, რადგანაც მან იცის, რომ საკმარისი ხმები პარლამენტში მას არ ეყოფა. ამიტომ, ამ ახალი რეალობის გათვალისწინებით, შეიძლება ეს იყოს კიდევ ერთი ბერკეტი ხელისუფლების მხრიდან, „მოათვინიეროს ურჩი პრეზიდენტი“, რაც აღარ მგონია რომ გამოუვიდეს, მიუხედავად იმისა, რომ გარკვეული მოძრაობები შეინიშნება ამ კუთხით. შესაბამისად, მე ვფიქრობ, რომ ეს იქნება მხოლოდ პროპაგანდისთვის გამოყენებული და საერთოდ შეიძლება პარლამენტშიც კი არ ვიხილოთ იმპიჩმენტის პროცესი, რომელიც მარცხისთვის არის განწირული. მოცემულობაში, როდესაც ირაკლი ღარიბაშვილს საკმაოდ მკაცრად უთხრეს, როგორც ჩანს, რომ იმპიჩმენტის პროცესი აზიანებს ქვეყნის ევროპულ მომავალს, მოცემულობაში, როდესაც, მე მაინც არ მგონია, რომ 12 დეპუტატი „ქართული ოცნების“ მომხრე იყოს ამ პარლამენტში ამ გადაწყვეტილებაზე, მე ვფიქრობ, რომ ტაქტიკური უკუსვლა იქნება იმისთვის, რომ, საბოლოო ჯამში, არ მოხდეს ირაკლი კობახიძის ამ მცდარი ტაქტიკის სრული გაცამტვერება, იმიტომ, რომ პარლამენტში იმპიჩმენტის ჩავარდნა, არის ირაკლი კობახიძის პირადი კრახი“,- განაცხადა აქუბარდიამ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი