ნუგზარ წიკლაური - ფაქტია, დაპირებები, რომელიც „ნაციონალური მოძრაობის“ ახალმა მენეჯმენტმა გასცა შესრულებული არ არის და გაჩნდა ნაპრალი - ცხადად ვხედავთ კრიზისის ნიშნებს

ფაქტია, რომ ის დაპირებები, რომელიც გაცემული იქნა [„ნაციონალური მოძრაობის” ახალი მენეჯმენტის მხრიდან] შესრულებული არ არის და გაჩნდა ნაპრალი - ამიტომ არის, რომ ამდენი შეშფოთებული ადამიანი იკრიბება დღეს თბილისში, ზეგ ზუგდიდში, მას ზეგ ქუთაისში და ყველა ერთად მივიღებთ გადაწყვეტილებას, - ამის შესახებ „ნაციონალური მოძრაობის“ წევრმა ნუგზარ წიკლაურმა, ჟურნალისტებს სასტუმრო „ბილტმორში“ განუცხადა, სადაც პარტიის ყოფილი თავმჯდომარე, ნიკა მელია თანამოაზრეებთან ერთად შეხვედრას მართავს.

მისი თქმით, პარტიის ახალი მენეჯმენტის შეუსრულებელი დაპირებებიდან გამოყოფდა ბევრ საკითხს, მათ შორის: საპროტესტო მუხტის გაზრდას, მიხეილ სააკაშვილთან მიმართებით ქმედითი ზომების მიღებას და ა.შ.

როგორც წიკლაურმა აღნიშნა, „ნაციონალური მოძრაობის“ ახალმა მენეჯმენტმა სამწუხაროდ, ძალიან ცოტა გზა დატოვა იმისთვის, რომ შესაძლებელი იყოს პოზიტიური იმედის ქონა.

„ღია დისკუსიას წინასწარ შეუძლებელია განსაზღვრო, თუ რა გადაწყვეტილებები იქნება მიღებული. ეს შეხვედრა არის იმ მასშტაბის შეხვედრებიდან პირველი, რომელიც გაიმართება ამ თემებზე იმიტომ, რომ 8 თვე გავიდა მას შემდეგ, რაც „ნაციონალურ მოძრაობაში“” მენეჯმენტის ცვლილება მოხდა და ახლა, ყველასთვის მნიშვნელოვანია პასუხები კითხვებზე, რა, როგორ გაკეთდა, რა ვერ შეძლო ახალმა მენეჯმენტმა. ჩვენ ცხადად ვხედავთ კრიზისის ნიშნებს რომელი ახალი მმართველობის მოსვლის შედეგად არსებობს და ამიტომ, ახლა სასაუბრო არის არამხოლოდ პოლიტიკოსებს შორის, არამედ იმ ადამიანებს შორისაც, რომლებიც ამდენი წელი მხარს უჭერდნენ “ნაციონალურ მოძრაობას”, - განაცხადა ნუგზარ წიკლაურმა.

მისივე თქმით, საბოლოო ჯამში, დისკუსიების შედეგად გამოიკვეთება პასუხი კითხვაზე, რამდენად რჩება შესაძლებლობა იმისთვის, რომ პარტიამ ერთიანობა შეინარჩუნოს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს