„ქართული ღვინის ფესტივალი 2023-ის” ფარგლებში, ღვინის მუზეუმმა ფესტივალის სტუმრებს უმასპინძლა, სადაც მასტერკლასი ჩაუტარდათ

„ქართული ღვინის ფესტივალი 2023-ის” ფარგლებში, ღვინის მუზეუმმა ფესტივალის სტუმრებს უმასპინძლა, სადაც მასტერკლასი ჩაუტარდათ თემაზე „დეგუსტაციის ხელოვნება და ყნოსვის ტრენინგი“.

ფესტივალზე მისულ სტუმრებს მასტერკლასი პროფესიონალმა სომელიემ WSET 3-ის კურსდამთავრებულმა თეონა თოხაძემ ჩაუტარა.

„მასტერკლასმა ძალიან საინტერესოდ ჩაიარა, საკმაოდ ინტერაქტიური იყო. ვისაუბრეთ იმ პარამეტრებზე, რის მიხედვითაც უნდა შევაფასოთ ღვინო. განვიხილეთ, რატომ არის მნიშვნელოვანი არომატების კარგად ცნობა”,- აღნიშნა სომელიემ.

როგორც მასტერკლასის მონაწილეებმა აღნიშნეს, მათ დეტალური ინფორმაცია მიიღეს დეგუსტაციის ხელოვნებასთან დაკავშირებით, ამასთან გაეცნენ იმ კრიტერიუმებს, რომელიც ღვინის შეფასებისას გამოიყენება. შეგახსენებთ, რომ თბილისში, ტრადიციულად სიონის ქუჩაზე, „ქართული ღვინის ფესტივალი“ მიმდინარეობს.

ფესტივალი 12:00 საათზე დაიწყო და ის 19:00 საათამდე გაგრძელდება. სტუმრებს 50-მდე ადგილობრივი მწარმოებლის პროდუქციის დეგუსტაციისა და შეძენის საშუალება აქვთ, მათ შორის არის სხვადასხვა სახეობის ღვინო, პური, ყველი, ჩურჩხელა, ჩირი, თაფლი და სხვა. ფესტივალზე წარმოდგენილია ისეთი განსხვავებული პროდუქტებიც, როგორიცაა ბროწეულის ღვინო.

ფესტივალი მთელი დღის განმავლობაში დატვირთული იქნება მრავალფეროვანი გასართობი პროგრამით, რომელიც გათვლილია როგორც ბავშვებისთვის, ისე უფროსებისთვის. ადგილზე შესაძლებელია ცოცხალი მუსიკის მოსმენა, როგორც ფოლკლორული ანსამბლების, ასევე ბენდების.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024